U vyniku maštabnaha daśledavańnia atrymałasia vyznačyć, jaki ŭzrost bolšaść ludziej ličać samym ščaślivym.
Šmat chto ličyć, što dla čałavieka samyja ščaślivyja hady — heta hady jaho maładości. Naprykład, niadaŭniaje daśledavańnie psichołahaŭ z Frankfurckaha ŭniviersiteta imia Hiote pakazała, što ludzi ličać najbolš ščaślivym uzrost, kali im było kala 20-ci hadoŭ. A voś vyniki daśledavańnia, praviedzienaha Harvardskim univiersitetam, pakazali, što najbolš ščaślivymi adčuvajuć siabie ludzi va ŭzroście 60 hadoŭ i bolš.
Hetyja supraćlehłyja pohlady abjadnoŭvajuć vyniki kolkasnaj acenki danych ab dabrabycie socień tysiač ludziej u 132 krainach, jakuju zrabiŭ ekanamist Devid Błančfłauer (David Blanchflower) z Dortmundskaha kaledža.
Jon śćviardžaje, što kryvaja ščaścia maje U-padobnuju formu.
Takim čynam, bolšaść ludziej, niezaležna ad uzroŭniu adukacyi, siamiejnaha statusu ci najaŭnaści pracy, adčuvajuć siabie ščaślivymi ŭ maładości, zatym idzie źnižeńnie ŭzroŭniu ščaścia, jakoje dasiahaje svajho minimumu va ŭzroście kala 40 hadoŭ, jaki jašče nazyvajuć «kryzisam siaredniaha vieku».
Mienavita ŭ hety čas žyćcio poŭnaje kłopataŭ i raznastajnych abaviazkaŭ, kali čałaviek najbolš adčuvaje stres, u jaho pačynajucca prablemy sa zdaroŭjem, da ich dałučajucca prablemy ŭ adnosinach, na pracy, ź dziećmi, zadačy pabudovy ci nabyćcia žylla i inšyja.
Paźniej zadavolenaść žyćciom uzrastaje. Z vychadam na piensiju čałaviek jašče znachodzicca ŭ dastatkova dobraj formie, kab atrymać asałodu ad žyćcia, nanova «znajści siabie» i adčuć niešta novaje. U hetym uzroście ludziam nie treba šmat dla ščaścia. U vyniku 60-hadovyja adčuvajuć siabie takimi ž ščaślivymi, jak i 20-hadovyja.
Navukoŭcy tłumačać, što ŭ pažyłym vieku źmianiajecca razumieńnie ščaścia, čałaviek pieraasensoŭvaje žyćcio, pierastaje žadać «dasiahnuć niedasiahalnaha», prymaje toj fakt, što nie moža być idealna zdarovym. Mienavita ŭ hetym uzroście mozh addaje pryjarytet pazityŭnym aśpiektam ci situacyjam, jakija prynosiać ščaście, a nie kancentrujecca na niehatyŭnych.
Akramia taho, jak pakazali vyniki inšaha daśledavańnia, na bolšuju zadavolenaść žyćciom u stałym uzroście ŭpłyvaje aksitacyn — harmon, jaki źnižaje stres i tryvohu i ŭpłyvaje na stanoŭčyja sacyjalnyja pavodziny. Jaho vydzialeńnie z uzrostam pavialičvajecca. Hetym navukoŭcy taksama tłumačać toj fakt, što pažyłyja ludzi bolš času traciać na vałanciorstva i achviarujuć bolšuju častku svaich dachodaŭ na dabračynnaść.
Praŭda, jak adznačajuć daśledčyki, apošnija hady žyćcia pierad śmierciu zadavolenaść žyćciom źnižajecca.
Adnak śpiecyjalisty śćviardžajuć, što ščaślivym možna adčuvać siabie niezaležna ad uzrostu. Uzhadajem viadomy afaryzm Kaźmy Prutkova: «Chočaš być ščaślivym — budź im!».
Čytajcie jašče:
Ihar Łucki raskazaŭ moładzi, u čym ščaście Biełarusi
Ludzi, jakija rehularna vitajucca z susiedziami, majuć vyšejšy pakazčyk dabrabytu
Ci moža zvyčajnaja razynka pierazahruzić vaša seksualnaje žyćcio?
Minčanka pakinuła stanoŭčy vodhuk na sumku — i raptam vykryła zdradu čužoha muža10
Kamientary
čieho-čieho? kakoho?
u 20 hod ja oŝutiła siebia takoj staroj... ja pieriečitała pieriesmotrieła, kažietsia, vsie
mnie ničieho nie vstavlało
V Jevropie požiłyje ludi viedut aktivnyj obraz žiźni,v svoi 70-80 let mnoho chodiat i katajutsia na viełosipiedach,iezdiat na chorošich mašinach,sidiat v kafie za pintoj tiemnoho piva s siropom,putiešiestvujut i voobŝie nasłaždajutsia žizńju. U nas,odnaždy buduči studientom, otdaju babkie pustuju butyłku ot piva v parkie i sprašivaju za koho hołosovała?otviet-za łukašenku jestiestvienno! To čto ona vsiu žizń prorabotała na etot krasnyj rejch i tiepieŕ vynuždiena sobirať butyłki bo prožiť na piensiju nie vozmožno,a u dietiej i vnukov primierno takoje žie sčastlivoje buduŝieje- jeje nikak nie vozmuŝajet,hłavnoje čtob NATO nie zachvatiła jeje daču s zakatkami na zimu.
v Tanzańskom ,,raju,,