«Strašyli niepryjemnaściami, kali zvolnicca». Što jašče viadoma pra suicyd kiraŭnicy rajonnaj supołki BRSM
Kiraŭnicy Zelvienskaj rajonnaj arhanizacyi BRSM Vieranicy Pałubok było 20 hadoŭ. Dziaŭčynu znajšli paviešanaj u lesie. «Vieranika kazała, što stamiłasia i choča adpačyć», — zhadvaje znajomaja.
Na sajcie Zelvienskaha rajvykankama ŭ raździele pra BRSM Vieranika Pałubok zastajecca paznačanaj «pieršaj sakratarkaj» rajonnaj arhanizacyi. Havaryć u joj pra niabožčycu admovilisia.
U abłasnoj arhanizacyi BRSM bolš za 10 chvilinaŭ vyrašali, što skazać žurnalistu, nieadnarazova havoračy jamu «pačakajcie». Urešcie pakłali słuchaŭku i adklučyli telefon.
Pra śmierć kiraŭnicy rajonnaj arhanizacyi BRSM paviedamiŭ u svaim telehram-kanale tolki praź niekalki dzion paśla taho, jak navina źjaviłasia ŭ ŚMI — pozna ŭviečary 23 žniŭnia sa spasyłkaj na pošukava-ratavalny atrad «Anioł». U niekrałohu havarycca ab «zaŭčasnym sychodzie z žyćcia» Vieraniki Pałubok.
«Vieranika była sapraŭdnym prafiesijanałam, vykanaŭčym rabotnikam, spahadnym čałaviekam i dobrym siabram!» — adznačana ŭ paviedamleńni.
Znajomaja dziaŭčyny ŭ pierapiscy z «Našaj Nivaj» raskazała, što Vieranika chacieła zvolnicca z kiroŭnaj pasady ŭ BRSM, bo nie źviazvała svajoj budučyni z hetaj arhanizacyjaj i inšymi ŭładnymi strukturami.
Pa słovach žančyny, ź Vieranikaj nibyta damovilisia, što jana budzie ŭznačalvać beeresemaŭskuju supołku tolki hod. U Hrodzienskim ža abkamie BRSM nastojvali, kab dziaŭčyna zastavałasia na pasadzie i strašyli niepryjemnaściami, kali zvolnicca.
«Vieranika kazała, što stamiłasia i choča adpačyć. Što toje, čym zajmajecca, joj nie padabajecca», — raskazała znajomaja Pałubok.
Kiravać rajonnaj supołkaj BRSM Vieraniku Pałubok pastavili ŭ lipieni 2022 hoda. Datul jana pracavała nastaŭnicaj niamieckaj movy ŭ Dziarečynskim dziciačym sadzie — siaredniaj škole.
Pa słovach inšaj surazmoŭnicy, niezadoŭha da śmierci Vieranika stała zaŭvažna pryhniečanaj i maŭklivaj, a heta nie było padobna da jaje.
«Što chavała na dušy, Vieranika nikomu nie kazała, ale było vidać, što z-za niečaha jana pieražyvaje», — zaŭvažyła znajomaja niabožčycy.
Pa fakcie śmierci Pałubok śledčymi pravodzicca pravierka. Aficyjna pra śmierć supracoŭnicy BRSM nie paviedamlałasia.
Suviaź ź Vieranikaj Pałubok źnikła 21 žniŭnia. U hety dzień jana vyjechała ź vioski Kniazieva, što ŭ Zelvienskim rajonie, na aŭtamabili ŭ Masty. 23 žniŭnia ŭ sacyjalnych sietkach pošukavaha atrada «Anioł» źjaviłasia infarmacyja, što dziaŭčyna znojdzienaja niežyvoj.
«Lusterka» napisała, što Vieranika ŭ raźvitalnym paviedamleńni baćku prasiła nikoha nie vinavacić i nie šukać jaje. Krynicy vydańnia dapuścili, što nakłaści ruki na siabie dziaŭčyna mahła z-za prablemaŭ na pracy.
Dziaŭčyna rodam ź vioski Vialikaja Rahoźnica Mastoŭskaha rajona. U 2021 hodzie jana z čyrvonym dypłomam skončyła Vaŭkavyski kaledž HrDu imia Janki Kupały pa śpiecyjalnaści «zamiežnaja mova (niamieckaja)», a paśla pastupiła na zavočnaje adździaleńnie ŭ MDŁU.
«Naša Niva» — bastyjon biełaruščyny
PADTRYMAĆHladzicie taksama:
U Kobrynie skončyŭ žyćcio samahubstvam 34-hadovy aficer milicyi, baćka čatyroch dziaciej
Skončyŭ žyćcio samahubstvam namieśnik staršyni Mastoŭskaha rajvykankama — BELPOL
Kamientary