Aktyvistka BRSM uznačaliła skandalnuju homielskuju rajonku. Šlach ad pačatkoŭca da kiraŭnicy zaniaŭ krychu bolš za hod
U haziecie Homielskaha rajona «Majak» źmianiŭsia hałoŭny redaktar, ale nie źmianiłasia redakcyjnaja palityka. Jak i raniej, kałonka hałoŭnaha redaktara strakacić movaj nianaviści ŭ dačynieńni da praciŭnikaŭ režymu Łukašenki. Vydańnie «Fłahštok» raspaviadaje pra toje, chto ciapier staić za prapahandysckimi tekstami Homielskaj rajonki.
Paśla zaćviardžeńnia ŭ studzieni 2023 hoda eks-hałoŭreda «Majaka» Iryny Kanavałavaj kiraŭnikom Homielskaha haradskoha radyjo 107.4 FM pasada hałoŭnaha redaktara rajonnaha vydańnia zastavałasia vakantnaj na praciahu amal paŭhoda. Hałoŭnaj redaktarka była zaćvierdžana Viktoryja Futryna. Novaja kiraŭnica pryjšła ŭ vydańnie tolki ŭ pačatku 2022 hoda.
Jak i jaje papiarednica, Viktoryja Futryna da prychodu ŭ «Majak» nie mieła dačynieńnia da prafiesijnaj žurnalistyki. Uradženka Rečycy skončyła škołu ŭ 2013 hodzie i pastupiła na jurydyčny fakultet HDU imia F. Skaryny. Tut jana stała aktyvistkaj BRSM, što ŭ dalejšym i vyznačyła jaje budučuju karjeru.
Praciahnuŭšy pracu ŭ BRSM paśla zakančeńnia ŭniviersiteta, prapahandystka-pačatkoviec brała ŭdzieł u stvareńni patryjatyčnyja rolikaŭ dla miascovych ŚMI. Paralelna Futryna była pryciahnuta da prafsajuznaj pracy. Jana stała inśpiektarkaj pracy Homielskaha rajonnaha abjadnańnia prafsajuzaŭ, pra što raspaviadaje na staronkach «Majaka», padpisvajučysia svaim dziavočym proźviščam Łapickaja.
U červieni 2022 hoda Viktoryja Futryna prajšła kursy pavyšeńnia kvalifikacyi dla žurnalistaŭ u Homielskim dziaržaŭnym univiersitecie. I ŭ hety ž čas na staronkach «Majaka» pačali źjaŭlacca jaje pieršyja prapahandysckija teksty. Navajaŭlenaja žurnalistka, jakaja ŭ hod Jeŭramajdana tolki skončyła škołu, adrazu ž uziałasia za ŭkrainskuju tematyku.
Šlach ad žurnalistki-pačatkoŭca da hałoŭnaha redaktara rajonnaj haziety zaniaŭ krychu bolš za hod. U čakańni pryznačeńnia, Futryna pačała bolš aktyŭna vykarystoŭvać movu nianaviści ŭ svaich publikacyjach. U materyjałach prapahandystki stali źjaŭlacca fejkavyja karcinki z abrazami prezidenta Ukrainy.
Vyvučeńnie tekstaŭ Futrynaj pakazvaje, što jana ŭžo adbyłasia jak prarežymnaja prapahandystka. Biełarusaŭ, jakija emihravali, jana nazyvaje adščapiencami i bamžami, u padrabiaznaściach apisvaje pravavy režym emihrantaŭ u Jeŭropie, jaki źjaŭlajecca absalutnaj vydumkaj.
Na dumku aŭtaraŭ «Fłahštoka», bačačy prykład svajoj papiarednicy, Viktoryja Futryna napeŭna taksama pasprabuje skarystacca svaimi prapahandysckimi navykami dla dalejšaha karjernaha rostu. Tamu varta čakać, što ŭ budučyni hradus nianaviści na staronkach niekali spakojnaj Homielskaj rajonki budzie tolki narastać.
Redaktarku homielskaj rajonki, viadomuju jak danosčycu, pryznačyli kiravać «začyščanym» radyjo
«Za daniasieńnie praŭdy da suśvietnaj supolnaści». Biełteleradyjokampanija premiravała prapahandystak, što trapili pad jeŭrapiejskija sankcyi
«A ci budzie stvorany resurs nakštałt Tut.by?» Što prapahandysty kažuć biełarusam na sustrečach i jakija pytańni im zadajuć ludzi
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki33
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary
A vot posmotrieť na intiellektualnoje lico i prikid idieołoha i staniet jasno, počiemu s idieołohijej połnyj švach i śmiech.