Ministr zamiežnych spraŭ Ukrainy Dźmitryj Kuleba prakamientavaŭ sumnievy zachodnich analitykaŭ adnosna ŭkrainskaha kontrnastupleńnia i paraiŭ im być «aściarožnymi ŭ svaich prahnozach i doŭhaterminovych pradkazańniach», piša «UP» sa spasyłkaju na BILD.
«My spakojna stavimsia da takich zajaŭ. Na dumku nienazvanych čynoŭnikaŭ, hienierałaŭ i analitykaŭ, Ukraina pavinna była b spynić svajo isnavańnie na praciahu troch-dziesiaci dzion u lutym 2022 hoda. Ciapier jany miarkujuć, što Ukraina nie zmoža tak chutka viarnuć usiu svaju terytoryju. Heta śviedčyć ab tym, što navat u tych, chto sumniavajecca, z časam źjaŭlajecca bolš nadziei», — cytuje vydańnie Kulebu.
«Ja chaču skazać, što analityki pavinny być bolš aściarožnymi ŭ svaich prahnozach i doŭhaterminovych pradkazańniach.
A voś što nam treba, dyk heta bolš doŭhaterminovych mahčymaściaŭ dla dasiahnieńnia bolš karotkaterminovych vynikaŭ. Nikoli nie niedaaceńvajcie Ukrainu. Budźcie ŭpeŭnienyja ŭ sabie. Majcie ciarpieńnie. Pieramoha — heta ciažkaja praca», — dadaŭ jon.
U zachodniaj presie ŭsio čaściej źjaŭlajucca skieptyčnyja kamientary nakont ukrainskaha kontrnastupu. The Washington Post sa spasyłkaj na krynicy ŭ amierykanskaj raźviedcy prahnazuje, što Ukraina nie zmoža dasiahnuć da chaładoŭ klučavoj mety kontrnastupleńnia, a mienavita dajści da horada Mielitopala ŭ Zaparožskaj vobłaści, navat vyzvalić Takmak budzie składana, uličvajučy try linii abarony rasijan.
Ukrainskija piłoty pačnuć navučańnie na źniščalnikach F-16 u Danii ŭ kancy žniŭnia
Zialenski paabiacaŭ sajuźnikam paskoryć kontrnastupleńnie
Rasijanie zaminiravali terytoryi hłybinioj da 15 km. Jakija ciažkaści raźminiravańnia pieraadolvajuć ukraincy padčas kontrnastupu
Za pieršyja dva tydni nastupleńnia Ukraina straciła da 20% pastaŭlenaj na front vajskovaj techniki — The New York Times
Čamu ŭkrainskaje kontrnastupleńnie idzie pavolniej, čym čakałasia
Restaŭracyi ŭ Biełarusi zastałosia na try dni. Hałoŭnamu pradpryjemstvu krainy faktyčna padpisali śmiarotny prysud2
Kamientary