U Biełarusi raspracavali kiłbasu dla školnikaŭ z pavyšanym indeksam masy cieła
Za košt źnižeńnia ŭ receptury da 30% tłušču ŭdałosia źnizić kałaryjnaść z 246 da 160 kiłakałoryj na 100 hramaŭ praduktu.
Biełaruskija navukoŭcy raspracavali dyjetyčnuju kiłbasu dla školnikaŭ, paviedamiła na pres-kanfierencyi ŭ sieradu namieśnik dyrektara pa navukovaj rabocie Instytuta miasa-małočnaj pramysłovaści NAN Biełarusi Alena Ściapanava, piša «Sputnik».
Jana raspaviała, što dla daškolnikaŭ i školnikaŭ vypuskajecca kala 30 najmieńniaŭ małočnych i miasnych vyrabaŭ: paŭfabrykaty, kiłbasy, paštety.
«Z navinak — kiłbasnyja vyraby dla charčavańnia dziaciej z pavyšanym indeksam masy cieła. Za košt źnižeńnia ŭ receptury da 30% tłušču nam udałosia pamienšyć kałaryjnaść z 246 da 160 kiłakałoryj na 100 hramaŭ praduktu», — adznačyła Ściapanava.
Pavodle jaje słoŭ, u praduktach dla školnikaŭ na 10% była źnižana kolkaść soli i pavialičana kolkaść vitaminaŭ hrupy B i mahniju.
«Budziem pracavać dalej nad pašyreńniem asartymientu i zadavalnieńniem patreby našych dzietak», — kanstatavała navukoviec.
Cichanoŭskaja zaklikała biełarusaŭ paźbiahać vybaraŭ i nie pratestavać28
Kamientary