Ina Kałackaja. Fota: jaje staronka «UKantakcie» 

Ina Kałackaja. Fota: jaje staronka «UKantakcie» 

Siońnia kanały bresckaha HUBAZiKa paviedamili pra zatrymańnie 45-hadovaj Iny Kałackaj. Jana maci byłoha palitviaźnia i dobraachvotnika Cichana Klukača. Ina, psichołah pavodle adukacyi, žyvie ŭ Breście.

Hubazikaŭcy vinavaciać žančynu ŭ «datyčnaści da ekstremizmu» (heta moža značyć što zaŭhodna). Za heta jaje, jak paviedamlajecca, pasadzili ŭ brescki IČU na sutki pa administracyjnym artykule.

Cichan Klukač. Fota: fejsbuk-staronka Klukača

Cichan Klukač. Fota: fejsbuk-staronka Klukača

Heta nie pieršy vypadak, kali siłaviki cisnuć na svajakoŭ vajaroŭ. Asudžany stryječny brat namieśnika kamandzira pałka Kalinoŭskaha Vadzima Kabančuka — Siarhiej Frančuk. Jaho adpravili na try hady kałonii ahulnaha režymu pa šerahu pratesnych artykułaŭ — 342 (dziejańni, jakija hruba parušajuć hramadski paradak), 369 (abraza pradstaŭnika ŭłady), 368 (abraza Łukašenki), 130 (raspalvańnie varožaści).

Užo ŭ źniavoleńni na Siarhieja raspačali jašče adnu kryminalnuju spravu za abrazu Łukašenki pavodle č. 1 art. 368 Kryminalnaha kodeksa i dadali paŭhoda terminu.

Na 1,5 hoda kałonii asudzili siastru dobraachvotnika-kalinoŭca Jana Mielnikava — Viktoryju Navickuju.

Čytajcie taksama:

Syn palityka, brat kalinoŭca. Palitviaźni, jakich pasadzili ŭ znak pomsty svajakam

Siłaviki prymusili maci jašče adnaho kalinoŭca zapisać videa

Suprać maci zahinułaha kalinoŭca raspačali novuju kryminalnuju spravu

Клас
6
Панылы сорам
1
Ха-ха
3
Ого
1
Сумна
0
Абуральна
51