HUBAZiK zatrymaŭ mužčynu za kamientary ŭ telehramie. Akaŭnt jon vydaliŭ, ale jaho mahli adšukać pa adnoj detali
Ciapier mužčynie pahražajuć kryminalnaj spravaj.
Zatrymanaha kličuć Michaił Rahaŭcoŭ. Jamu 37 hadoŭ, i jon rodam z Dobruša, doŭhi čas žyŭ u Homieli i ŭ vyniku pierajechaŭ u Minsk.
Jaho zatrymali za kamientary ŭ telehramie. Mužčyna vydaliŭ svoj stary akaŭnt. Ale jak jaho adšukali? Reč u tym, što mužčyna vykarystoŭvaŭ u 2020 hodzie niknejm, pa jakim možna znajści jaho praz huhł-pošuk — pa im adrazu bačnyja sacsietki Michaiła.
Kali jahonyja kamientary zachavali zahadzia, to adšukać aŭtara było prosta.
Kali vy chočacie zrazumieć, što vam rabić, to pasprabujcie zhadać, ci nazyvali vy akaŭnt svaim ułasnym imiem abo niknejmam (abo ci dapuskajecie takuju mahčymaść). Praviercie vašy kamientary praz admysłovy bot. Kali vam treba kansultacyja pa vyjeździe, z hetym moža dapamahčy BYSOL.
Kali ničoha «kramolnaha» nie adšukałasia abo vy peŭnyja, što vaš akaŭnt dobra abaronieny, to ŭsio roŭna varta vydalić telehram-akaŭnt i stvaryć novy na zamiežny numar. Heta nie absalutnaja abarona, ale vialikaja pieravaha ŭ paraŭnańni z tym, kali hetaha nie zrabić.
«Naša Niva» — bastyjon biełaruščyny
PADTRYMAĆKiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju26
Kamientary