Hienštab Ukrainy zapeŭnivaje, što rasijskaj armii nie ŭdałosia ŭvajści ŭ Kupiansk i akupavać Iljinku
U Hienieralnym štabie USU zajaŭlajuć, što rasijanam nie ŭdałosia ŭvajści ŭ Kupiansk na Charkaŭščynie, i horad zastajecca pad kantrolem Sił abarony, paviedamiŭ ukrainskim ŚMI pres-sakratar Hienštaba Andrej Kavaloŭ.
«Usie ataki rasijskich akupantaŭ na hetym napramku byli paśpiachova adbity. Rasijskim zachopnikam nie ŭdałosia ŭvajści ŭ Kupiansk. Horad pad kantrolem Uzbrojenych sił Ukrainy».
Aficer udakładniŭ, što 13 listapada, pačynajučy z 14:30, rasijskija akupanty sprabavali prarvać abaronu ŭkrainskich vojskaŭ na Kupianskim napramku. Šturmavyja hrupy praciŭnika atakavali pazicyi ŭkrainskich abaroncaŭ čatyrma chvalami. Ahulnaja kolkaść techniki, jakuju vykarystoŭvali rasijanie, skłała kala 15 adzinak, uklučajučy tanki, bajavyja braniavanyja mašyny i ŭstanoŭku dla raźminavańnia UR-77.
«Treba padkreślić, što častka rasijskich sałdat była pieraapranuta ŭ formu Uzbrojenych sił Ukrainy. Heta parušaje zakony i praviły viadzieńnia vajny i źjaŭlajecca vajennym złačynstvam», — dadaŭ pres-sakratar Hienštaba.
Pa jaho słovach, dziakujučy ŭmiełym i rašučym dziejańniam padraździaleńniaŭ Sił abarony Ukrainy prasoŭvańnie praciŭnika było spyniena, była źniščana ŭsia jaho braniatechnika, a taksama likvidavana značnaja častka žyvoj siły.
Stała viadoma pra aryšt minskaha chirurha z 17-hadovym stažam. Joj pahražaje ahromnisty termin za palityku5
Kamientary