Hrošy, sabranyja na marafonie salidarnaści z palitviaźniami, padzielać na dva tranšy
4 žniŭnia prajšło pieršaje pasiadžeńnie naziralnaj rady marafonu salidarnaści z palitviaźniami. Na im rada zasłuchała vystupleńni 13-ci arhanizacyj i inicyjatyŭ, jakija dapamahajuć palitviaźniam i ich siemjam.
Padčas pasiadžeńnia było vyrašana krychu pierahledzieć raniejšuju schiemu vydatkoŭvańnia sabranych hrošaj. Heta źviazana z tym, što sabranaja suma značna pieravysiła ad pačatku zapłanavanuju. U vyniku, jak viadoma, na dapamohu palitviaźniam sabrali kala 576 tysiač jeŭra, a płanavałasia tolki 200 tysiač.
Dziela taho arhanizacyi paviedamili, što vydatkavać takuju sumu za dva miesiacy jany nie hatovyja. Pa-pieršaje, u ich abmiežavanaja kolkaść supracoŭnikaŭ i vałancioraŭ, a pa-druhoje, padtrymka robicca nie prosta tak, a na padstavie zapytaŭ, jakija pastupajuć u arhanizacyi.
Tamu vyrašana padzialić sumu na dva tranšy.
Pieršy tranš budzie pieradadzieny najbližejšym časam, i adnosna jaho raźmierkavańnia arhanizacyi daduć spravazdaču praz dva miesiacy. Rešta srodkaŭ budzie vydatkavanaja paźniej.
Z-za śpiecyfiki dapamohi palitviaźniam sabranyja hrošy niemahčyma padzialić u roŭnych praporcyjach pamiž usimi, adznačyli inicyjatyvy, jakim treba budzie raźmiarkoŭvać srodki.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha8
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary