Jak sabrać dzicia ŭ škołu z najmienšaj škodaj dla jaho zdaroŭja

Pa słovach śpiecyjalistaŭ upraŭleńnia handlu i pasłuh Minharvykankama, kamplekt usiaho nieabchodnaha dla vučnia małodšych kłasaŭ abydziecca ŭ sumu ad 370 da 1122 rubloŭ. A voś dla školnika starejšych kłasaŭ suma istotna bolšaja. Baćkam daviadziecca patracić ad 462 da 1392 rubloŭ.

Śpiecyjalisty nie havorać, čamu takaja istotnaja raźbiežka pamiž minimalnaj i maksimalnaj ličbaj. Chacia maksimalnaja moža raści da biaskoncaści, kali dazvalajuć finansy baćkoŭ.

Ale navat kali ŭ vas finansy nieabmiežavanyja, heta nie aznačaje, što možna nabyvać svajmu školniku ŭsio, što duša pažadaje. Śpiecyjalisty u intervju Kufar.by rajać źviartać uvahu na jakaść i praktyčnaść rečaŭ.

Adzieńnie

Tak, pry nabyćci adzieńnia treba ŭvažliva vyvučyć skład tkaniny. Pažadana, kab tam było bolš naturalnych vałoknaŭ. Bo dzieci našmat fizična aktyŭniejšyja za darosłych. Adpaviedna i potavydzialeńnie ŭ ich bolšaje. Naturalnyja tkaniny lepš dychajuć i pahłynajuć vilhać. A voś u vyrabach ź sintetyčnych tkanin dzicia budzie bolš pacieć.

Pa mierkavańni śpiecyjalistaŭ, najlepš kali tkanina dla školnaj formy składajecca sa źmiešanych vałoknaŭ. Pry hetym bavoŭny abo voŭny ŭ joj musić być nie mieniej za 40%.

Taksama ŭ skład pavinna ŭvachodzić viskoza. Jana dadaje tkaninie miakkaści i lohkaści, dobra rehuluje ciepłaabmien. Dadatak sintetyčnych vałoknaŭ, takich jak ełastan abo poliestr dazvolać vyrabu dobra siadzieć (dziakujučy ełastyčnaści) na fihury i pavialičać termin noski.

Abutak

Abutak pažadana vybirać z naturalnych składnikaŭ. Kali niama mahčymaści nabyć z naturalnaj skury, to lepš źviarnuć uvahu na madeli z kambinavanych materyjałaŭ, u jakich vierch vykanany sa skurazamianialnika, a naturalny materyjał znachodzicca ŭsiaredzinie. Pry hetym lepš za ŭsio, kab zamiest šnurkoŭ u abutku dla małodšych školnikaŭ byli lipučki. Heta dazvolić padahnać jaho pad dziciačuju stupniu i ŭličvać rost nahi.

Kab paźbiehnuć płoskastupniovaści ŭ abutku, pažadana, kab byŭ nievialiki kabłuk, žorstki zadnik i supinatar. Padešva musić być dastatkova hnutkaj i dobra amartyzavać. Pažadana, kab jana nie ślizhała pa padłozie.

Daktary nie rajać taksama vybirać taki abutak jak biercy, bo ŭ ich drenna pracuje stupnia, admovicca ad vastranosych madelaŭ i vuzkich tuflaŭ, bo jany buduć zdušvać stopy i palcy.

Śpiecyjalisty taksama rajać vybirać zakrytyja abo napałovu zakrytyja madeli, bo basanožki abo tufli z adkrytym myskom, a taksama sandali nie mohuć pravilna fiksavać stupniu školnika.

Rukzak

Pa mierkavańni śpiecyjalistaŭ dla pieranoski padručnikaŭ lepš za ŭsio padychodzić rukzak. U adroźnieńni ad sumki jon nie budzie nahružać škilet z adnaho boku, a raźmiarkuje pahruzku na pazvanočnik paroŭnu.

Pry vybary rukzaka nieabchodna źviarnuć uvahu na lamki. Jany musiać być šyrokimi i rehulavacca pa vyšyni. Častka rukzaka, jakaja prylahaje da śpiny, musić być adnosna žorstkaj i mieć vystupalny profil, što stvaraje vientylacyju pamiž śpinaju i zadniaj ścienkaj.

Dla małodšych školnikaŭ važna, kab śpinka ŭ rukzaku była artapiedyčnaj (erhanamičnaj, anatamičnaj). Heta dapamahaje raźmierkavać nahruzku na plečy i pajaśnicu, a taksama padtrymlivać pravilnuju pastavu.

Dla małodšych školnikaŭ lepš padydzie raniec. U adroźnieńni ad rukzaku jon maje žorstki karkas i erhanamičnuju śpinku. Zamiest małanki ŭ jaho vykarystoŭvajecca kryška z zašpilkaju.

Śpiecyjalisty taksama rajać, kab u rukzakoŭ była zručnaja ručka, tady pry pajezdcy ŭ transparcie školniku budzie kamfortna trymać jaho ŭ ruce, kab nie pieraškadžać inšym.

Dobra, kali rukzak maje tryvały niz, jaki składajecca ź niekalkich słajoŭ tkaniny, abo navat płastykavy. U takim razie heta pieraścieraže ad pramakańnia padručnikaŭ, kali rukzak pastavić na mokraje.

Varta taksama źviarnuć uvahu na najaŭnaść na rukzaku abo rancy śviatłoadbivalnych elemientaŭ.

Školnyja pryłady

Što tyčycca školnych pryładaŭ, to pažadana, kab jany byli z tryvałych materyjałaŭ i nie mieli nijakich drobnych zdymnych častak, jakija možna lohka ŭdychnuć abo prahłynuć. Taksama płastyk nie musić mieć vyražanaha pachu, što śviedčyć ab jaho taksičnaści. Pa mahčymaści pry pakupcy varta źviarnuć uvahu na najaŭnaść siertyfikataŭ adpaviednaści i hihijeničnych standartaŭ.

Čytajcie jašče:

Ad 370 da 1392 rubloŭ. Kolki kaštuje sabrać dzicia ŭ škołu

Biełaruskaje školnaje adzieńnie achoŭvaje ad vypramianieńnia mabilnych telefonaŭ

Školnuju formu chočuć zrabić ź dziaržaŭnaj simvolikaj

Dziaržstandart zabaraniŭ prodaž školnaha adzieńnia viadomaj handlovaj marki

• 0
• 0
• 0
• 0
• 0
• 0
• 1
• 0