Polski premjer: 100 vahnieraŭcaŭ pieramiaścilisia ŭ bok Suvałkskaha kalidora
Premjer-ministr Polščy Matevuš Maraviecki zajaviŭ, što Polšča dva hady maje spravu ź piermanientnaj atakaj na miažu z boku Biełarusi. Pavodle jaho słoŭ, tolki sioleta było 16 tysiač sprob nielehalnaha pierasiačeńnia jaje mihrantami, a kala sotni vahnieraŭcaŭ pieramiaścilisia z uschodu Biełarusi ŭ bok Suvałak.
«U nas jość infarmacyja, što bolš za 100 najmitaŭ hrupy Vahniera rušyli ŭ bok Suvałak. Heta, biezumoŭna, krok da dalejšaj hibrydnaj ataki na polskuju terytoryju», — zajaviŭ Maraviecki na pres-kanfierencyi ŭ Hlivicach.
Jak miarkuje Maraviecki, vahnieraŭcy buduć pieraapranacca pad biełaruskich pamiežnikaŭ i buduć dapamahać nielehałam pranikać na terytoryju Polščy, destabilizavać Polšču, ale taksama, vierahodna, buduć sprabavać prakraścisia ŭ Jeŭrasajuz, vydajučy siabie za nielehałaŭ.
Raniej pra pieramiaščeńnie vahnieraŭcaŭ u Hrodna zajaviŭ partał «Sprotiv», stvorany Siłami śpiecyjalnych apieracyj Ukrainy. Jak piša sajt, vahnieraŭcy majuć namier rychtavacca da «razhojdvańnia» situacyi ŭ pamiežnaj zonie Polščy i Litvy.
Naradziŭsia va Ukrainie, byŭ drobnym čynoŭnikam, vajavaŭ u Afrycy. Raskrytaja asoba «Pijaniera», jaki ŭznačaliŭ «Vahnier» u Biełarusi
«Tak ja padaŭžaju svaju maładość». U Pryhožyna byŭ ceły «kanviejer» pa pazbaŭleńni dziaŭčat cnatlivaści
Vahnieraŭcy praciahvajuć navučać biełaruskich sałdat. Hetym razam ahniavoj padrychtoŭcy
Bajpoł nazvaŭ imiony mahčymych zabojcaŭ Andreja Zielcera. I zajaviŭ, što siłavika «Nirvanu» zastreliŭ svoj ža3
Kamientary