Učora dziaržaŭnyja miedyja pakazali, što ŭ atrad narodnaha apałčeńnia ŭ Starobinie ŭziali dziaŭčynu. Jana tam adzinaja i musić zajmacca miedycynskaj dapamohaj.
23-hadovaja Kaciaryna Miškievič rodam ź Lelčycaŭ — pasiołka ŭ Homielskaj vobłaści na samym poŭdni Biełarusi za 40 kiłamietraŭ ad miažy z Ukrainaj.
Pavodle źviestak «Kibierpartyzanaŭ», baćka dziaŭčyny zvyčajny rabočy, pracuje ŭ asnoŭnym kiroŭcam. Maci — staršynia revizijnaj kamisii ŭ miascovym rajspažyŭtavarystvie.
Dziaŭčyna paśla 9 kłasa pajšła vučycca ŭ Słucki miedycynski kaledž pa metavym nakiravańni. Advučyłasia na fielčara-akušera. Pa trochhadovym raźmierkavańni jaje nakiravali ŭ Słuckuju centralnuju rajonnuju balnicu, a adtul nakiravali ŭ ambułatoryju ŭ ahraharadku Vieličkavičy. Paśla dziaŭčyna pieraviałasia ŭ Starobinskuju haradskuju balnicu.
Minabarony piša, što ŭ tak zvanaje apałčeńnie Kaciaryna ŭstupiła ŭ pieršy ž dzień, jak daviedałasia pra jaho.
«U atrad pryjšła pa kličy hramadzianskaha abaviazku. Mnie chočacca dapamahać našym mužčynam-apałčencam. Ja liču, što narodnaje apałčeńnie — važny kampanient u sistemie nacyjanalnaj biaśpieki našaj dziaržavy. Pryznajusia, nasić vajennuju formu pakul niazvykła. Ja adzinaja dziaŭčyna ŭ atradzie, mužčyny pra mianie kłapociacca, padtrymlivajuć, dapamahajuć pieranosić aptečku», — pryvodzić jaje słovy telehram-kanał Ministerstva abarony.
«Naša Niva» — bastyjon biełaruščyny
PADTRYMAĆ
Kamientary