Hramadstva22

Rodnyja Babaryki trapili na pryjom u kałonii. Što im raskazali

17 lipienia svajaki Viktara Babaryki razmaŭlali z administracyjaj papraŭčaj kałonii №1 u Navapołacku, jak raspaviadaje telehram-kanał asudžanaha na 14 hadoŭ eks-bankira, jaki ŭviesnu 2020 hoda navažyŭsia kinuć vyklik Łukašenku.

Viktar Babaryka ŭ sudzie. Fota: BiełTA

— Viktar Babaryka znachodzicca ŭ PK-1. Jaho źmiaścili ŭ pamiaškańnie kamiernaha typu (PKT), kudy adpraŭlajuć za parušeńni na peŭny termin.

— u PKT zabaronienyja zvanki i spatkańni, ale pierapiska moža być.

— Zdaroŭju Viktara Babaryki nibyta ničoha nie pahražaje.

— Samoha Babaryku im nie pakazali.

***

Pra Viktara Babaryku, asudžanaha na 14 hadoŭ kałonii, ničoha nie viadoma dva z pałovaj miesiacy. Miarkujučy pa najaŭnaj infarmacyi, u noč z 24 na 25 krasavika jaho špitalizavali ŭ balnicu Navapołacka.

12 maja ad pravaabaroncaŭ źjaviłasia infarmacyja, što da svajho atrada ŭ navapołackaj kałonii jon nibyta ŭžo nie prypisany, a paźniej — pra toje, što jaho nibyta pieraviali ŭ turemnuju balnicu pry SIZA-1 u Minsku. Paśla hetaha nijakich źviestak nie pastupała.

17 maja adbyłosia masavaje zatrymańnie miedykaŭ u Navapołackaj centralnaj haradskoj balnicy — akurat toj, kudy pryvieźli byłoha pretendenta na pasadu prezidenta i adkul padpolny «Rabočy ruch» atrymaŭ infarmacyju pra jaho špitalizacyju. Mnohim miedykam dali ad 10 da 15 sutak. Niekatorym vypisali štrafy.

Potym miedykaŭ zvolnili za prahuły, jak paviedamlaŭ telehram-kanał «Biełyja chałaty».

Syn Viktara Babaryki Eduard chadajničaŭ, kab baćku vyklikali ŭ jakaści śviedki na sud, ale eks-bankir, chutčej za ŭsio, u sudzie tak i nie źjaviŭsia.

Razam z tym varta adznačyć, što paśla źjaŭleńnia čutak pra śmierć inšaha palitviaźnia — Siarhieja Cichanoŭskaha — na nastupny dzień praŭładnyja telehram-kanały apublikavali videa ź jaho ŭdziełam. Pra Babaryku — maŭčok.

Kiraŭnik Biełhazprambanka vyłučyŭ svaju kandydaturu na prezidenckija vybary 2020 hoda i sabraŭ rekordnuju kolkaść podpisaŭ vybarcaŭ. Sacyjałahičnyja daśledavańni pakazvali, što jon maje samy vysoki rejtynh siarod usich kandydataŭ. Adnak u červieni 2020 hoda łukašenkaŭcy jaho aryštavali, a Centrvybarkam admoviŭ jamu ŭ rehistracyi ŭ jakaści kandydata.

 

Kamientary2

  • Fiedzia
    18.07.2023
    Dyk žyvy Babaryka ci što tam?
  • Josik
    18.07.2023
    A ci žyvy jon? Dzie mižnarodnyja pravaabaroncy, dzie nie łukašovy čyrvony kryž? Čałaviek jak byccam jość, ale jaho niama. Biełarusy, hazpramaŭski jon zasłaniec, ci nie, ale jon čałaviek, a jaho ŭłady ścierli. Kali takoje robiać sa šmat kim, čamu heta ŭ budučym nie rabić z usimi. U žniŭni 2020 budavali łahiery dla niazhodnych, jak niemcy ŭ 1941 dla pałonnych čyrvonaarmiejcaŭ - kalučy drot, kulamioty na viežach pa kutach. Dyk jaki hienacyd švied daśleduje, hienacyd jakoha času? Kolki nieludstva, nianaviści, iłžy tata z maci zakłali ŭ alaksandra łukašenku.

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta17

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →