Recydyvist pra Akreścina: «Takoha nie bačyŭ za ŭvieś svoj 26-hadovy staž»
Čytač «Našaj Nivy» raskazaŭ pra svajo znachodžańnie ŭ CIPie.
Čytač znachodziŭsia na Akreścina ŭ pačatku 2023 hoda. Jon piša, što kiraŭnictva ŭstanovy naŭmysna padtrymlivała ŭ kamierach nievynosnuju ciesnatu.
Pry hetym kolkaść ludziej u kamiery namahalisia stroha kantralavać. Tak, u kamiery, dzie znachodziłasia čaćviora naraŭ, było 24 čałavieki, u kamiery z šaściarymi narami — 27 čałaviek. Jak piša były viazień, jak tolki «my naličyli 15 čałaviek na čaćviora naraŭ i bajalisia [spužać] fartunu, jak nam zładzili śviata BNR» i źlili dźvie kamiery ŭ adnu.
Jon paćviardžaje źviestki ab tym, što ŭ kamierach, dzie raźmieščany «palityčnyja», nikoli nie vyklučajecca aśviatleńnie. Tamu źniavolenyja kłalisia hałavoju da tumbačak, kab nie tak śviaciŭ u vočy «miesiac».
Čytač spasyłajecca na słovy sukamiernika — recydyvista Piatroviča, jaki pravioŭ u turmach, pa jaho ŭłasnych słovach, 26 hadoŭ — ab tym, što «takoha, jak u našaj kamiery, jon nie bačyŭ za ŭvieś svoj staž».
Hety čałaviek u kamieru trapiŭ nie vypadkova. U jaho byli łabkovyja vošy. Akramia taho, stary drenna bačyŭ i nie moh praz heta akuratna zmyć za saboju ŭ prybiralni.
Čytač piša, što ŭ sakaviku razam ź im u kamiery znachodziłasia dva čałavieki, jakija byli chvoryja na astmu. Jon zrazumieŭ heta pa lekach, jakija stajali ŭ tumbačcy, jakuju vypadkova začapiŭ hałavoju, kali kłaŭsia spać. Siarod źniavolenych byŭ i doktar.
Były źniavoleny zhadvaje, što kali ŭ jaho aciakli nohi, «pradolnaja sprabavała zrabić choć što-niebudź z taho, što mahła, i zrabiła — praz chvilin 30 rasstarałasia tabletačku, i aciok noh prajšoŭ».
Čytajcie jašče:
Śmierć mužčyny na Akreścina: voś što viadoma i što zastajecca pad pytańniem
«Šancaŭ na vyratavańnie nie było». Padrabiaznaści śmierci mastaka Alesia Puškina
Nastupstvy mahli być katastrafičnyja. Doktar — pra chvarobu Maryi Kaleśnikavaj
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj26
Kamientary
A himn ihrajuŝij po utram i viečieram...
Śviet da nie vyklučajut.. kurtki otbirali, čto by na bietonnom chołodnom połu v bajkie ili majkie tolko ležať i pytaťsia zasnuť. I provierki po nočam s postrojenijem...
Prosto izdievajutsia... a tam žie normalnyje ludi. Jesť požiłyje, u rtch kuča rodstvieńnikov...odin skazał, čto vyjdiet rasskažiet , kak minimum 50 jeho domašnich budut niet....nie bojaťsia...nienavidieť budut vłasť za takoje.. effiekt to obratnyj, no uma u mvd nie chvatajet poniať eto. Da i nie ich dieło, oni tolko komandu Fas ispołniajut.