Pamior režysior kultavaj rasijskaj pieradačy «Kukły» Ryhor Lubamiraŭ
Režysior Ryhor Lubamiraŭ pamior va ŭzroście 69 hadoŭ, jak paviedamiŭ sajuz kiniematahrafistaŭ Rasii.
Ryhor Lubamiraŭ naradziŭsia 22 listapada 1953 hoda ŭ Leninhradzie. Skončyŭ fiłasofski fakultet Leninhradskaha dziaržaŭnaha ŭniviersiteta, kinaškołu FEMIS u Paryžy.
Pracavaŭ na telekanałach NTV, TB-6 i «Rasija». Byŭ scenarystam i režysioram vielmi papularnaj pieradačy «Kukły», jakaja vychodziła na jašče demakratyčnym i niezaležnym NTV u 1994-2002 hadach u prajm-tajm. Adnym ź pieršych scenarystaŭ byŭ Viktar Šandarovič, a ŭ 1995-1999 hadach ahučvaŭ hierojaŭ budučaja zorka rasijskaha kino Siarhiej Biazrukaŭ.
U pieradačy vyśmiejvałasia rasijskaja palityčnaja rečaisnaść. Prysutničaŭ tam i piersanaž Alaksandra Łukašenki.
U pryviedzienym videa 1999 hoda raskazvajecca, jak Łukašenka pajechaŭ abjadnoŭvacca ŭ Rasiju, a paśla taho, jak Jelcyn admoviŭsia, jon jedzie da Biła Klintana, prapanavaŭšy stvaryć ahulnuju z ZŠA dziaržavu.
Lubamiraŭ byŭ taksama režysioram i aŭtaram idei pieršaha rasijskaha realici-šou «Za škłom», pradziusaram sieryjałaŭ «Rubloŭka.Live», «Stalin.Live», «Samotny voŭk», «Leśvica ŭ niabiosy» i inšych, jak piša Kommersant.ru.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary