Mer mieksikanskaha horada abraŭ sabie vielmi niezvyčajnuju žonku. Viasielle prajšło bieź incydentaŭ
«Ja biaru na siabie takuju adkaznaść, tamu što my kachajem adno adnaho, a biez kachańnia nijaki šlub niemahčymy».
![](http://d3kcf2pe5t7rrb.cloudfront.net/img/w840d4webp1/photos/z_2023_07/346883619393366-6bo67.jpeg.webp)
U Mieksicy mer adnaho z haradoŭ zhulaŭ viasielle z sapraŭdnaj krakadzilichaj. Pra heta 2 lipienia źniało videarepartaž ahienctva Bi-bi-si.
Mer mieksikanskaha horada San-Pedra-Uamiełuła Viktar Uha Sosa ažaniŭsia z samkaj krakadziła pa mianušcy Alisija Adryjana. Na viasielli žanich byŭ apranuty ŭ śviatočnuju kašulu, a niaviesta była ŭ miłaj sukiency z fatoj. Taksama Alisii na ŭsialaki vypadak zaviazali pašču, i tamu ni žanich, ni hości padčas śviata nijak nie paciarpieli.
Pa pryznańni žanicha, jon byŭ vielmi ščaślivy i zakachany ŭ svaju novuju žonku.
«Ja biaru na siabie adkaznaść, tamu što my kachajem adno adnaho, heta samaje hałoŭnaje. Biez kachańnia nie moža być šlubu, tamu ja pahadziŭsia ŭziać u žonki hetuju maleńkuju pryncesu», — zajaviŭ Viktar Uha Sosa.
Sajuz pamiž mužčynam i samkaj krakadziła — heta rytuał, jaki pravodzicca ŭ San-Pedra-Uamiełuła bolš za 230 hadoŭ. Krakadził ujaŭlaje saboj bostva, źviazanaje z maci-ziamloj, a šlub čałavieka z krakadziłam simvalizuje adzinstva ludziej i bahoŭ. Metaj rytualnaha viasiella taksama nazyvajuć dary baham, kab tyja, u svaju čarhu, padaryli miascovym žycharam pośpiech, dobry ŭradžaj, roskvit i spakoj.
Čytajcie jašče:
Delfiny taksama siusiukajuć pry razmovie sa svaimi małymi
Zhraja kasatak patapiła ŭžo niekalki jachtaŭ kala bierahoŭ Jeŭropy i nie źbirajecca spyniacca
Kamientary