Vajna2323

Pačalisia bajavyja sutyknieńni pamiž PVK «Vahnier» i siłami Minabarony Rasii — Pryhožyn

Zasnavalnik PVK «Vahnier» Jaŭhien Pryhožyn śćviardžaje, što Minabarony Rasii naniesła rakietny ŭdar pa łahierach jahonych najmitaŭ.

«My byli hatovyja pajści na sastupki Minabarony, zdać zbroju i znajści rašeńnie, jak my budziem dalej abaraniać svaju krainu. Ale hetyja miarzotniki, jany nie supakoilisia.

Siońnia, bačačy, što my nie złamanyja, jany nanieśli rakietnyja ŭdary pa našych tyłavych łahierach. Zahinuła vialikaja kolkaść našych bajcoŭ», — zajaviŭ Pryhožyn, paabiacaŭšy žorstki adkaz.

«Rada kamandziraŭ PVK «Vahnier» pryniała rašeńnie: zło, jakoje niasie vajskovaje kiraŭnictva krainy, pavinna być spynienaje. Tyja, chto źniščyŭ siońnia našych chłopcaŭ, chto źniščyŭ mnohija dziasiatki tysiač žyćciaŭ ruskich sałdat, buduć pakaranyja.

Ja prašu nikomu nie akazvać supraciŭ. [Inakš] my budziem ličyć, što heta pahroza, i budziem źniščać usich nieadkładna, uklučajučy lubyja błokpasty, jakija ŭstali na našym šlachu, lubuju avijacyju, jakuju ŭbačym nad svaimi hałovami. Ja prašu ŭsich nie paddavacca na pravakacyi, zastavacca ŭ svaich damach i pažadana pa maršrucie našaha ruchu nie vychodzić na vulicu», — skazaŭ kuratar «vahnieraŭcaŭ».

Sa słoŭ Pryhožyna, «prezidenckaja ŭłada, urad MUS, Rashvardyja i inšyja struktury buduć pracavać dalej u zvykłym paradku».

«My raźbiaromsia z tymi, chto źniščaje ruskich sałdat, i vierniemsia na front. Spraviadlivaść u vojskach budzie adnoŭlenaja, a paśla hetaha i spraviadlivaść dla ŭsioj Rasii», — dadaŭ jon.

Minabarony Rasii prakamientavała zajavy Jaŭhiena Pryhožyna:

«Usie paviedamleńni i videakadry, jakija raspaŭsiudžvajucca ŭ sacyjalnych sietkach ad imia Jaŭhiena Pryhožyna, pra nibyta naniasieńnie MA RF udaru pa «tyłavych łahierach» PVK «Vahnier» nie adpaviadajuć rečaisnaści i źjaŭlajucca infarmacyjnaj pravakacyjaj.

Uzbrojenyja siły Rasijskaj Fiederacyi praciahvajuć vykanańnie bajavych zadač na linii sudakranańnia z Uzbrojenymi siłami Ukrainy ŭ rajonie praviadzieńnia śpiecyjalnaj vajennaj apieracyi».

Tym časam Pryhožyn praciahvaje vystupać z zajavami:

«Ministr Šajhu bajaźliva źbieh z Rastova. U 21-00 jon bieh, kab nie tłumačycca, navošta padymaŭ viertaloty źniščać bajcoŭ, navošta nanosiŭ rakietnyja ŭdary. Hetaja pačvara budzie spynienaja».

Paśla hetaha jon zajaviŭ, što «vahnieraŭcaŭ» 25 tysiač i jany niekudy iduć «raźbiracca, čamu ŭ krainie tvorycca biaźmiežža», a ŭsich astatnich zaklikaŭ dałučacca, bo treba «zakančvać z hetym biazładździem».

Były kiraŭnik Minabarony samaabvieščanaj «DNR» Ihar Hirkin (Strałkoŭ) u suviazi z tym, što adbyvajecca, kanstatavaŭ, što Rasija apynułasia «na miažy sproby vajskovaha pieravarotu».

«Chto jaho inicyjuje, pakul niajasna. Nie vyklučana, što da jaho imknucca abiedźvie varožyja frakcyi «partyi ŭłady» pry niejtralitecie treciaj (FSB i Rada Biaśpieki)», — napisaŭ jon.

Kamientary23

  • Čarkaškvarka
    23.06.2023
    Cikavy zamies. Pryhožyn, a ty pierachadzi na bok Ukrainy. Zbroju ž ciabie treba niedzie budzie brać.
  • Oleh
    23.06.2023
    A karol to hołyj.
  • Tiertiel
    23.06.2023
    Puskaj by eti rašisty pieriestrielali tam druh druha, i čiem bystrieje čiem łučšie. Čiem mieńšie budiet vahniervciev, putinskich vojsk, tiem bystrieje zakončitsia vojna.

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Usie naviny →
Usie naviny

Viačorka: Łukašenka abvieścić datu svaich vybaraŭ, tolki kali skončacca amierykanskija5

Pamior mastak Valeryj Čajka. Jon afarmlaŭ minskaje mietro

Zialenski pra zajavu Budanava pra nastup Rasii z poŭnačy: Jaho nie tak zrazumieli1

Ralf Šumachier ździejśniŭ kaminh-aŭt16

Jakimi buduć vybary 2025 hoda? Razvažajuć Viačorka, Łatuška i Šrajbman52

Jak vyhladaje čarha pa vadu ŭ Mazyry6

Jašče adna achviara ŭrahanu: u Śvietłahorsku dreva zabiła 90-hadovaha mužčynu

Ukraincaŭ spytali, ci pryjšoŭ čas pačynać pieramovy z Rasijaj — vyniki sacapytańnia1

«Paśpieli raźvitacca z žyćciom». Vidavočcy raskazali pra śmiarotny ŭrahan na Vilejskim vadaschoviščy5

bolš čytanych navin
bolš łajkanych navin

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Hałoŭnaje
Usie naviny →