Ultrapravaja niamieckaja partyja «AdH» upieršyniu vyjhrała rehijanalnyja vybary
Pradstaŭnik pravapapulisckaj partyi «Alternatyva dla Hiermanii» (AdH) upieršyniu abrany łandratam (kiraŭnikom akruhi).
50-hadovy juryst Robiert Ziesielman u niadzielu vyjhraŭ vybary ŭ akruzie Zoniebierh u fiederalnaj ziamli Ciurynhija, na miažy z Bavaryjaj, piša Deutsche Welle.
Sonnebergs neuer Landrat - So AfD ist der AfD-Wahlsieger Robert Sesselmann https://t.co/9Lmr0kentS
Ziesielman atrymaŭ na vybarach łandrata ŭ druhim tury 52,8 pracenta hałasoŭ vybarščykaŭ, a = kiraŭnik akruhi, pradstaŭnik Chryścijanska-demakratyčnaha sajuza Jurhien Kiepier nabraŭ 47,2 pracenta. Sacyjał-demakratyčnaja partyja (SDPH), Levaja partyja, Svabodnaja demakratyčnaja partyja i «Sajuz-90»/»Zialonyja» ŭ druhim tury padtrymali kandydaturu Kiepiera. Jaŭka na vybarach skłała 59,6 pracenta.
Zoniebierh z prykładna 57 tysiačami žycharoŭ, ź jakich kala 48 tysiač majuć prava hołasu — adna z samych maleńkich akruhaŭ FRH.
«Sihnałam tryvohi» dla ŭsich demakratyčnych sił nazvaŭ abrańnie Ziesielmana ministr unutranych spraŭ Ciurynhii Hieorh Majer, člen SDPH. Pavodle jaho słoŭ, pryjšoŭ čas «adkłaści mižpartyjnyja roznahałośsi i abaraniać demakratyju razam».
Robiert Ziesielman — uradženiec Zoniebierha, jon źjaŭlajecca deputatam ziamielnaha parłamienta Ciurynhii ad AdH. U 2019 hodzie «Alternatyva dla Hiermanii» zaniała tut druhoje miesca na vybarach, istotna palepšyŭšy svoj vynik.
Kamientary