U Nacyjanalnym banku Biełarusi zajavili, što z 28 červienia staŭka refinansavańnia źnižajecca z 9,75% da 9,5% hadavych.
U hety ž čas pamier staŭki pa kredycie aviernajt źnižajecca z 10,75% da 10,5% hadavych, a staŭki pa depazicie aviernajt — z 8,75% da 8,5% hadavych. Takoje rašeńnie pryniata praŭleńniem Nacbanka siońnia na pasiadžeńni pa hrašova-kredytnaj palitycy, jak piša BiełTA.
Paviedamlajecca, što tendencyja zapavoleńnia inflacyjnych pracesaŭ zachoŭvajecca. U mai spažyvieckija ceny źnizilisia adnosna krasavika hetaha hoda na 0,3%. Čakajecca, što pakazčyk hadavoha pryrostu spažyvieckich cen nie pieravysić uzrovień 5%.
Staŭka refinansavańnia ŭpłyvaje na staŭki pa kredytach. Niekatoryja ź ich, naprykład, kredyty na kuplu žylla, pryviazanyja mienavita da jaje.
U 2023 hodzie heta ŭžo šostaje źnižeńnie staŭki refinansavańnia. Z 23 studzienia staŭka skłała 11,5%, z 1 sakavika — 11%, z 3 krasavika — 10,5%, z 2 maja — 10%, 31 maja — 9,75%.
Samaja nizkaja staŭka refinansavańnia ŭ historyi Biełarusi była ŭstanoŭlena 1 lipienia 2020 hoda — 7,75%.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary