Horad Vałujki Biełharodskaj vobłaści trapiŭ pad abstreł, a ŭ Maskvie znoŭ adbyłasia dyviersija na čyhuncy
Horad Vałujki Biełharodskaj vobłaści trapiŭ nočču pad abstreł. Vybuchovaj chvalaj aŭtamabili raskidała pa stajancy. Vybityja šyby ŭ žyłych damach. Pavodle papiarednich źviestak, jość paranienyja. Aficyjnaj infarmacyi pakul niama.
Pa infarmacyi SHOT, u vyniku abstrełaŭ zahinuła žančyna, 7 čałaviek paranienyja. Paškodžanyja 5 šmatkvaternych damoŭ i 4 pryvatnyja domaŭładańni: vybityja vokny, pasiečanyja fasady. U adnym z damoŭ haryć haspadarčaja pabudova.
Kurski hubiernatar Raman Staravojt paviedamiŭ pra abstreł pasiołkaŭ Ciotkina i Papova-Ležačy Hłuškaŭskaha rajona.«U Papova-Ležačach praz paškodžańnie linij elektrapieradačy ŭ častcy damoŭ niama elektryčnaści», — napisaŭ jon. Paciarpiełych niama.
Na Varšaŭskaj šašy ŭ Maskvie ž nieviadomyja siońnia nočču padpalili relejnyja šafy ŭzdoŭž čyhunačnych šlachoŭ. Šafy, raźmieščanyja adna ad adnoj na adlehłaści 1,5 mietra, zabiaśpiečvali pracu siemaforaŭ.
Uzharańnie chutka patušyli. Vinavatych šukajuć. Na hrafik ciahnikoŭ, jak paviedamlajuć telehram-kanały, incydent nie paŭpłyvaŭ. Na miescy pracujuć supracoŭniki palicyi.
Apošni raz dyviersanty padpalvali relejnaj šafy na čyhuncy ŭ Maskvie 26 maja. Tady płošča ŭzharańnia skłała ŭsiaho adzin kvadrat.
-
Brytanskaja raźviedka: Ataka na arsienał u Taropcy z vysokaj vierahodnaściu parušyć dziejańni rasijskich suchaputnych vojskaŭ
-
Uzarvali kamandzira pałka rasijskich desantnikaŭ. Vajskoŭcy hetaha pałka zabivali žycharoŭ Bučy
-
Ukrainski Hienštab paćvierdziŭ paražeńnie dvuch važnych rasijskich vajskovych arsienałaŭ
Kamientary