U Słucku čałaviek z dvuma małymi dziećmi pierabiahaŭ darohu i adno nie ŭpilnavaŭ
U Słucku surjozna paciarpieła dzicia ŭ vyniku DTZ. Niedahledzieŭ jaho ajčym, jaki z dvuma małymi dziećmi pierachodziŭ darohu ŭ nieŭstanoŭlenym miescy (za 40 mietraŭ ad piešachodnaha pierachoda), paviedamlaje UDAI MUS.
Trymajučy trochhadovuju dačku na rukach, mužčyna pierabieh prajeznuju častku pierad aŭto, pakinuŭšy biez uvahi 8-hadovaha pasynka. U nastupny momant adbyłasia avaryja.
Jak vidać na zapisie kamiery videanazirańnia, mužčyna pierabieh darohu i pajšoŭ dalej, nie paviarnuŭšysia i nie hlanuŭšy, ci paśpieŭ jaho pasynak pierajści cieraz darohu. Chłopčyk ža krychu pramarudziŭ i kinuŭsia śledam za ajčymam praz paru siekund, z-za čaho trapiŭ pad koły krasoviera.
Kiroŭca nie zaŭvažyŭ dziciaci, jakoje vyskačyła na pałasu z-za taksi, što prytarmaziła. Chłopčyk ciapier znachodzicca ŭ reanimacyi.
Kamientary