U paniadziełak i aŭtorak mahčymaja hałalodzica.
Jakim budzie nadvorje na nastupnym tydni, raskazaŭ sinoptyk Dźmitryj Rabaŭ na ANT.
U pačatku tydnia na ŭmovy nadvorja buduć upłyvać atmaśfiernyja franty, jakija pryjšli z zachadu i paŭdniovaha zachadu Jeŭropy. Čakajecca vobłačnaść. U paniadziełak u bolšaści rajonaŭ krainy, a ŭ aŭtorak na paŭdniova-ŭschodniaj pałovie terytoryi Biełarusi vypadzie śnieh i mokry śnieh, jakija dniom piarojduć u doždž. U niekatorych miescach budzie tuman, a na asobnych učastkach daroh — hałalodzica. Vilhotnaść pavietra składzie da 80%. Viecier budzie dźmuć z uschodu i paŭdniovaha ŭschodu, jaho chutkaść budzie ŭmieranaj. Nočču tempieratura pavietra budzie vahacca ad -3 da +2°C.
U paniadziełak i aŭtorak dniom čakajecca kala 0°C.
Da siaredziny tydnia nadvorje budzie vyznačać vobłaść pavyšanaha atmaśfiernaha cisku. Čakajecca pieramiennaja vobłačnaść. Apadkaŭ nie čakajecca. Viecier budzie dźmuć z zachadu, jaho chutkaść budzie ŭmieranaj. Vilhotnaść pavietra składzie da 80%. Nočču i ranicaj mahčymy tuman, miescami na darohach budzie ślizka. U načnyja hadziny tempieratura budzie varjiravacca ad -1 da -6°C, dniom — ad -1 da +2°C.
U pačatku druhoj pałovy tydnia ŭmovy nadvorja buduć vyznačacca upłyvam antycykłonu z zachadu Jeŭropy. Čakajecca pieramiennaja vobłačnaść. U bolšaści rajonaŭ apadkaŭ nie prahnazujuć. Viecier budzie dźmuć z paŭdniovaha zachadu, jaho chutkaść budzie ŭmieranaj. Vilhotnaść pavietra składzie kala 80%. Nočču tempieratura budzie vahacca ad -1 da +5°C. U čaćvier i piatnicu dniom čakajecca tempieratura kala 0°C.
U nastupnyja vychadnyja ŭ Biełarusi zachavajecca vobłaść vysokaha atmaśfiernaha cisku, apadkaŭ nie čakajecca. Viecier budzie dźmuć z zachadu, jaho chutkaść budzie ŭmieranaj. Nočču i ranicaj miescami mahčymy tuman. Vilhotnaść pavietra składzie da 70%. Unačy tempieratura pavietra budzie vahacca ad -6 da -2°C, a ŭ subotu i niadzielu dniom čakajecca da -2°C.
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni10
Kamientary