Absurdnaja kamiedyja pra inšapłaniecian, sikvieły lehiendarnych filmaŭ i bojka pamiž «Barbi» i «Opienhiejmieram» — hetym letam u kino dakładna budzie, što pahladzieć. Trymajcie hajd pa hałoŭnych kinapremjerach najbližejšych troch miesiacaŭ.
Horad asteroidaŭ (Asteroid City)
Hety chit ad znakamitaha režysiora Uesa Andersana ŭžo trapiŭ u jeŭrapiejskija kinateatry. Sačycie za rukami: u amierykanskim teatry staviać pjesu pa padziejach, što razhortvajucca ŭ 1955 hodzie ŭ vydumanym haradku Asteroid Sici z nasielnictvam u 87 čałaviek. Tak atrymoŭvajem apovied, u jakim padziei adbyvajucca na dvuch uzroŭniach, i ŭ adzin ź ich uryvajucca inšapłaniecianie — voś tolki treba im zusim nie toje, što vy padumali.
Jak zvyčajna i byvaje sa stužkami Andersana, u «Horada asteroidaŭ» šalony akciorski skład: vy ŭbačycie tam Toma Chenksa, Cildu Suintan, Skarlet Jochansan, Edvarda Nortana i bahata inšych vydatnych halivudaŭcaŭ. Heta kamiedyja, ale nie čakajcie ad jaje vialikich ščyrych pačućciaŭ. Tut jany hłyboka schavanyja pad teatralščynaj ad Andersana.
Aficyjna stužka vyjdzie ŭ suśvietny prakat 23 červienia.
Mehi Mur(y) (Maggie Moor(s))
Prezientujem vam čornuju kamiedyju z zorkami amierykanskich sieryjałaŭ. Historyja takaja: jość pylny pustynny haradok u štacie Aryzona, dzie zusim ničoha nie adbyvajecca. Voś u takim miescy zabivajuć dźviuch žančyn z adnolkavymi imionami: jak vy mahli zdahadacca, kožnuju ź ich zavuć Mehi Mur. Kiraŭnik miascovaj palicyi musić rasśledavać hetyja zabojstvy, ale ž situacyja vychodzić z-pad kantrolu.
Film vychodzić u suśvietny prakat 16 červienia.
Indyjana Džons i koła losu (Indiana Jones and the Dial of Destiny)
Pavodle Charysana Forda, heta jaho apošni film u roli Indyjany Džonsa, i ŭžo heta robić stužku niešarahovaj. Na dvare 1969 hod, nie za harami vysadka amierykancaŭ na Miesiac. Pažyły, ale ŭsio taki ž avanturny archieołah Indyjana Džons niezadavoleny tym, što padčas kaśmičnaj honki amierykanski ŭrad źviartajecca pa dapamohu da byłych nacystaŭ, i hatovy pakłaści hetamu kaniec. U pryhodzie mužčynu supravadžaje maładaja chreśnica, i, viadoma, budzie bahata ekšanu.
Darečy, jakraz hety samy ekšan staŭ adnoj z pryčyn, čamu stužku ŭ sioletnich Kanach pryniali nieadnaznačna: adznačałasia, što nie varta było nahružać stolkimi trukami sastarełaha Forda, navat kali jon ich robić nie sam. Jašče adna pretenzija prahučała da taho, što nibyta kampjutarna amałodžany Indyjana vyhladaje nie nadta pryvabna. Ale ŭsio heta nie admianiaje taho fakta, što «Koła losu» — vydatny pradstaŭnik kinafranšyzy, tamu heta must see dla ŭsich amataraŭ staryny Džonsa, dy i nie tolki.
Indyjana Džons vyjdzie ŭ amierykanski prakat 30 červienia.
Viasiołaja pajezdka (Joy Ride)
U hetaj kamiedyi źziaje Stefani Siuj, sioletniaja naminantka na «Oskar» za rolu va «Usio paŭsiul i adrazu». Tamu navat kali vam nie padabajucca dziavočyja kamiedyi, vydatnaja hulnia Siuj i jaje tavaryšak moža vas pierakanać.
«Viasiołaja pajezdka» — heta historyja pra pošuk svaich karanioŭ. U padarožža z takoj metaj skiroŭvajecca ŭ kampanii siabrovak Odry, amierykanka azijackaha pachodžańnia. Jak heta zaŭždy byvaje ŭ takich hłabalnych padarožžach, u kancy vyjaŭlajecca, što sapraŭdnaja meta dziaŭčat była našmat bolš maštabnaj za prodkaŭ dy hienieałohiju.
Data vychadu ŭ suśvietny prakat — 7 lipienia.
«Misija nievykanalnaja: Śmiarotnaja adpłata. Častka 1» (Mission: Impossible — Dead Reckoning — Part One)
Hałavakružnyja kadry, elitnyja mašyny, luksavaja stylistyka i čary (60-hadovaha!) Toma Kruza — jak možna było pa hetym nie sumavać? Supierahient Itan Chant z kamandaj znoŭ vyratoŭvajuć śviet, a značyć, nas čakaje čarhovy vysakajakasny bajavik, na jaki nie škada vydatkavać viečar i troški hrošaj na bilet.
Siužet u takich filmach zvyčajna staić nie na pieršym płanie, ale trochi infarmacyi my ŭsio-tki majem. Chant z bajavymi tavaryšami musiać adsačyć niebiaśpiečnuju zbroju da taho času, jak jana trapić nie ŭ tyja ruki. Chto ž pieramoža?
Daviedajemsia 12 lipienia, kali stužka źjavicca ŭ suśvietnym prakacie.
Barbi (Barbie)
Mahčyma, «Barbi» — heta i nie najlepšy film hoda, ale dakładna samy raśpijarany. Zhadajem chacia b historyju z ružovaj farbaj: praz toje, kolki jaje spatrebiłasia dla farbavańnia dekaracyj, u śviecie ŭźnik deficyt ružovaj farby peŭnaha adcieńnia.
Nam raskažuć pra Barbi, jakuju vyhnali z kazačnaha śvietu ŭ realny praz toje, što jana akazałasia nieidealnaj lalkaj. Budzie šmat jarkich farbaŭ, viadomych akcioraŭ (tyja ž Marho Robi i Rajan Hoślinh u rolach adpaviedna Barbi i Kiena), a režysuje heta ŭsio zorka niezaležnaha kino Hreta Hiervih. Cikava budzie pravieryć, čym abierniecca hety chajp — šaniec daviedacca atrymajem 21 lipienia.
Opienhiejmier (Oppenheimer)
Hetaja stužka vychodzić u prakat u adzin dzień z «Barbi» (21 lipienia) i pa pravie spaborničaje ź lalečnaj historyjaj za tytuł hałoŭnaj letniaj premjery. Čamu? Dy chacia b tamu, što źniaŭ «Opienhiejmiera» nie chto inšy, jak Krystafier Nołan, adzin z najlepšych režysioraŭ sučasnaści. U hałoŭnaj roli Kilijan Miorfi z «Vostrych brylaŭ», jamu dapamahajuć cudoŭnyja Emili Błant, Met Dejman i Robiert Daŭni-małodšy. Dy tam navat Hery Ołdman hraje prezidenta Trumiena!
Film zasnavany na historyi Robierta Opienhiejmiera, navukoŭca, jaki stajaŭ la vytokaŭ amierykanskaj jadziernaj bomby. Što pavinien adčuvać čałaviek, prynosiačy ŭ śviet najmacniejšuju mahčymuju zbroju, jakaja moža źniščyć čałaviectva? Nołan i Miorfi šukajuć adkaz na hetaje pytańnie.
Hran Turyzma (Gran Turismo)
Paśla jaskravych kinapremjer červienia i lipienia kinarynak uvojdzie ŭ nievialičkaje zacišša. I heta pradkazalna, bo jaki sens vypuskać błakbastary, kali patencyjnyja hledačy pakidajuć na čas adpačynku harady z ulubionymi kinateatrami?
Ale kali chočacie pabačyć niešta śviežaje, prapanujem vašaj uvazie spartovuju dramu «Hran Turyzma». Heta ŭvasableńnie historyi Jana Mardenbara, brytanskaha honščyka. «Hran Turyzma» — tak nazyvałasia videahulnia, jakaja niekali natchniła Mardenbara skaryć honačny śviet.
Čakajem honačnuju dramu ŭ kinateatrach pa ŭsim śviecie 11 žniŭnia.
Biełaja ptuška: Historyja cudu (White Bird: A Wonder Story)
Kali žadajecie pabačyć hetym letam prosta dobry i ščyry film, chutčej za ŭsio, vam na «Biełuju ptušku». Za jakaść stužki chvalavacca nie prychodzicca: navat kali nieviadoma, čaho čakać ad dziaciej-akcioraŭ, Džylijan Andersan i Chielen Miren, ich starejšyja naparnicy, i łaŭreat «Załatoha hłobusa» režysior Mark Forster zabiaśpiečać fajnaje vidovišča.
«Biełaja ptuška» — praciah «Cuda», siamiejnaj dramy. U druhoj častcy historyja krychu pavaročvaje ŭ minułaje: hałoŭny hieroj słuchaje raskazy svajoj babuli-jaŭrejki pra jaje junactva ŭ akupavanaj nacystami Francyi, dzie siamja adnakłaśnika chavała jaje ad nacystaŭ.
Film vychodzić u prakat 25 žniŭnia.
«Naša Niva» — bastyjon biełaruščyny
PADTRYMAĆNa ekranach — «Rusałačka». Ci ŭdałosia sučasnaje pieraasensavańnie?
Bajpoł nazvaŭ imiony mahčymych zabojcaŭ Andreja Zielcara. I zajaviŭ, što siłavika «Nirvanu» zastreliŭ svoj ža6
Kamientary