U Lajpcyhu pastavili balet pry dapamozie štučnaha intelektu. Upieršyniu ŭ śviecie
Premjera prajšła 28 maja, pieršyja vodhuki krytykaŭ śviedčać, što vidovišča vyjšła bolš čym uražalnaje.
Pakul iduć sprečki, ci pahražaje štučny intelekt źniščyć pracoŭnyja miescy abo navat zachapić uładu nad čałaviectvam, kiraŭnik Lajpcyhskaj opiery Marya Šroder vyrašyŭ pierajści ad teoryi da praktyki, piša Deutsche Welle.
Dla pracy nad novym śpiektaklem jon zaprasiŭ brytanskaha muzykanta i ekśpierymientatara ŭ halinie štučnaha intelektu Hary Jefa, viadomaha pad sceničnym psieŭdanimam Reeps100.
Heta majstar žanru bitboks, kali ŭsia muzyka pišacca pry dapamozie hołasu. Ale Jef nie prosta imituje huki ŭdarnych muzyčnych instrumientaŭ, basa i inšych instrumientaŭ, ale i šyroka prymianiaje niejrasietku dla apracoŭki atrymanych trekaŭ.
Padčas baleta pad nazvaj Fusion (u pierakładzie — sintez, abo źlićcio), muzykant sa svajoj technikaj i dvuma mikrafonami ŭdzielničaje ŭ pracy arkiestra.
Sam balet padzieleny na piać raździełaŭ: «Hieniezis», «Štučny intelekt», «Pierazahruzka», «Dekanstrukcyja» i, narešcie, tytulnaja «Źlićcio».
Jak vynikaje z anatacyi na sajcie teatra, śpiektakl pryśviečany mahčymaściam čałaviečaha hołasu, jaho miežam i zdolnaści vykazać heta praz taniec. Štučny intelekt užyvaŭsia taksama pry raspracoŭcy scenahrafii.
Premjera ŭ Lajpcyhu prajšła 28 maja, pieršyja vodhuki krytykaŭ śviedčać, što vidovišča vyjšła bolš čym uražalnaje.
«My dajom štučnamu intelektu šaniec stać mastackim», — cytuje adnaho sa stvaralnikaŭ baleta, dramaturha Ciła Rajncharda niamieckaja miedyjaprahrama Tagesschau.
A mižnarodny anłajn-partał Designboom, jaki bazujecca ŭ Miłanie, Piekinie i Ńju-Jorku, i naohuł nazyvaje Fusion pieršym u śviecie baletam, stvoranym z dapamohaj štučnaha intelektu.
U jakich čatach siadzieŭ hubazikaviec Artur Hajko i što tam pisaŭ? 11
U jakich čatach siadzieŭ hubazikaviec Artur Hajko i što tam pisaŭ?
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki4040
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki40
Snapkoŭ pachvaliŭsia, što biełarusy ciapier zarablajuć rekordna šmat. Padličyli, jak źmianilisia zarobki biełarusaŭ za 10 hadoŭ z ulikam inflacyi dalara99
Kamientary