«Chaj zjeździć u Kijeŭ i zanačuje ŭ majoj kvatery». Ukrainskaja žurnalistka raskazała pra reakcyju Sabalenki na vostryja pytańni
Padpisantka lista za Łukašenku, biełaruskaja tenisistka Aryna Sabalenka na sioletnim «Rałan Haros» zajaviła, što ŭ peŭny momant «nie adčuvała siabie ŭ biaśpiecy». Dla takoha tenisistcy chapiła niekalkich pytańniaŭ na pres-kanfierencyi — pra Łukašenku i vajnu va Ukrainie. Čałaviekam, jaki ŭpieršyniu za niekalki hadoŭ zadaŭ Sabalenka niazručnyja pytańni, stała ŭkrainskaja žurnalistka «Trybuny» Darja Mieščarakova.
Mieščarakova raskazała «Trybunie», što vyrašyła zadać adkrytyja pytańni Sabalency, kali ŭbačyła, što jana ŭvieś čas unikaje ad adkazaŭ nakont vajny, a miedyja pry hetym praciahvajuć pytacca pra toje, jak jana stała «takoj cudoŭnaj».
«Da mianie jaje pytali, jak jana stała takoj pazityŭnaj, maŭlaŭ, navat tančyć časam na korcie. Zrazumieła, u jaje byŭ dobry nastroj. Upeŭnienaja, jana nie čakała kankretnych pytańniaŭ ab vajnie. Było zaŭvažna, što joj stała sapraŭdy niekamfortna. Jana pačała pierahladacca sa svaim ahientam, niervova chichikała. Ale kab jana tut ža zachacieła syści — takoha ja nie zaŭvažyła», — kaža žurnalistka.
Jana kaža, što žurnalisty na pres-kanfierencyi zaŭvažyli, jak Sabalenka pierahladałasia sa svaim ahientam.
«Padčas maich pytańniaŭ jana rabiła heta jašče čaściej. Moža, šukała ŭ jaho dapamohi. Skłałasia adčuvańnie, što jana z ahientam mianie chacieła niejak maralna zadušyć, vyklikać u mianie pačućcio chvalavańnia. Ale mianie takim nie prabješ. Ja bačyła vajnu na Danbasie i ŭ Kijevie. Pobač z maim domam padali rakiety z (jak ja kažu, pakul Łukašenka ŭtrymlivaje ŭładu) Biełarussii. Voś heta było strašna, a nie pradažnyja i amaralnyja tenisisty», — havoryć Mieščarakova.
Žurnalistka ździŭlajecca: «Jak patencyjnaja pieršaja rakietka śvietu moža padtrymlivać dyktatara i padzialać jahonyja kaštoŭnaści?»
«Ja zrabiła vysnovu, što jana kryvadušnica, jakaja prosta kryŭlajecca na publiku», — praciahvaje jana.
Mieščarakova nie ličyć, što na spartyŭnych mierapryjemstvach varta havaryć tolki pra sport.
«Nu viadoma. Spartsmieny ž nie kormiacca z Kramla i z ruki Łukašenki. Jany havorać pra palityku, kali im heta vyhadna».
Na słovy Sabalenki, što praz takija pytańni jana «nie adčuvała siabie ŭ biaśpiecy», žurnalistka zaŭvažyła:
«Cha! Ja joj raju: chaj zjeździć u Kijeŭ i zanačuje ŭ majoj kvatery. A ŭnačy pačniecca abstreł ź Biełarusi. Voś heta niebiaśpiečna. A jana prosta atrymała pytańni pra jaje ž učynki. Niachaj niasie za ich adkaznaść. Chopić užo ź siabie achviaru stroić».
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy1
Kamientary