«Jaki mesedž jana niasie ŭ śviet?» Ukrainskaja tenisistka patłumačyła, što nie nienavidzić Arynu Sabalenka, a reč u inšym

Biełaruskuju tenisistku Arynu Sabalenka pierad matčam z ukrainkaj Martaj Kaściuk u pieršym kruzie asnoŭnaj sietki turniru «Rałan Haros», jaki ciapier prachodzić u Francyi, zapytalisia, jak jana stavicca da taho, što ŭkrainka nie źbirajecca paciskać joj ruku. Sabalenka adkazała tak:

«Ja nie chaču marnavać svaju enierhiju na takija rečy. Heta značyć, heta nie maja sprava.

Kali jana mianie nienavidzić, dobra, ja ničoha nie mahu z hetym zrabić. Buduć ludzi, jakija mianie lubiać, buduć ludzi, jakija mianie nienavidziać. Kali jana mianie nienavidzić, ja da jaje ničoha padobnaha nie adčuvaju». 

Adnosna hetych słoŭ zadali pytańnie ŭžo jaje apanientcy, i Marta Kaściuk taksama patłumačyła svaju pazicyju:

«Ja pryjazdžaju na turnir, ja chaču vyjhrać kožny matč, jaki ja hulaju. Adzinaje, što ja rablu, — ja nie cisnu ruku. Ja nikoli nie kazała ni ŭ intervju, ni ŭ asabistaj kamunikacyi ni Arynie Sabalenka, ni kamu-niebudź inšamu, što nienavidžu jaje. Navat nie viedaju, jak kamientavać, čamu jana mienavita tak pačała pra heta kazać.

Dla mianie heta historyja nie pra emocyi, tamu što nianaviść — heta emocyja, a heta historyja pra pavahu.

Pa-pieršaje, ja nie mahu adčuvać pavahu da jaje vybaru praciahvać jeździć u Rasiju, treniravacca tam, mieć znosiny z rasijskaj presaj. […]

Pa-druhoje, asabista dla mianie zaniatki tenisam — heta było nie tolki pra ŭłasnaje raźvićcio, hrošy, kamfort, dapamohu svajoj siamji i h. d. Hałoŭnaje — heta mahčymaść niešta źmianić, źmianić da lepšaha.

Sabalenka paśla hetaha turniru moža stać pieršym numaram u takim papularnym sporcie. Majučy takuju vialikuju aŭdytoryju, taki ŭpłyŭ u śviecie, jana ad jaho admaŭlajecca. Jaki mesedž jana niasie ŭ śviet? […]

Ja prosta nie mahu pavažać takuju pazicyju, kali havorka idzie pra padziei, jakija karennym čynam mianiajuć śviet, — takija, jak vajna.

Uvohule, ja skažu tak: u mianie niama nianaviści ni da koha z hulcoŭ z krain-ahresaraŭ. Ja prosta ich nie pavažaju.

Dla mianie, kali ščyra, niama nijakaj roźnicy, kali mianie tam chtości nienavidzić, ci lubić, ci niešta jašče, tamu što heta emocyi. Dla mianie važna, kali mianie pavažajuć, tamu što pavaha — heta nie emocyja. Voś što ja dumaju z usioj hetaj nahody», — skazała ŭkrainskaja tenisistka.

Siońnia ŭ matčy pamiž Sabalenka i Kaściuk pieramahła Sabalenka ŭ dvuch setach — 6:3, 6:2.

Čytajcie taksama:

Aryna Sabalenka: Łukašenka moža kamientavać što choča, a ja prosta spartsmienka ź Biełarusi

Aryna Sabalenka nie razumieje, za što jaje nienavidziać ukrainki

«Bali i abdymanki z Łukašenkam — nie palityka?» Spytali ŭ sumlennych spartsmienaŭ, ci varta źniać spartovy ban z Rasii i Biełarusi

«Kryčy, b***». Na BT kamientatara niecenzurna prymušali zaŭzieć za Sabalenka

Navoša: Pieramoha Aryny Sabalenka navat pad niejtralnym ściaham — redkaja nahoda dla samaśćviardžeńnia ludažernaj dyktatury

• 45
• 0
• 8
• 3
• 2
• 0
• 6
• 0