U kožnym rajonie Homiela płanava staviać kantrolna-prapusknyja błokpasty
U kožnym rajonie Homiela staviacca kantrolna-prapusknyja punkty ŭ ramkach płanavych vučebnych zboraŭ terabarony, paviedamiŭ 19 maja ŭ telehram-kanale staršynia Homielskaha harvykankama Uładzimir Pryvałaŭ.
![](http://d3kcf2pe5t7rrb.cloudfront.net/img/w840d4webp1/photos/z_2023_05/gomel_kpp_doroga_2023_1-uxthv.jpg.webp)
«U Homieli z 11 maja prachodziać płanavyja vučebnyja zbory terytaryjalnaj abarony. Na zaviaršalnym etapie zboraŭ vajennaabaviazanyja biaruć udzieł u kamandna-štabnych vučeńniach, padčas jakich padraździaleńniam terytaryjalnych vojskaŭ treba budzie achoŭvać abjekty žyćciezabieśpiačeńnia. U suviazi z hetym u kožnym z rajonaŭ abłasnoha centra na adpaviednych zadumam vučeńniaŭ vulicach arhanizujucca kantrolna-prapusknyja punkty», — napisaŭ Pryvałaŭ.
Čynoŭnik padkreśliŭ, što zbory skončacca 2 červienia.
Pra ŭstalavańnie błokpastoŭ u Homieli raniej taksama paviedamlała miascovaje vydańnie «Fłahštok».
«Na miescy kala dziesiaci sałdat US Respubliki Biełaruś. Jany nosiać z hruzavika miaški ź piaskom i abstaloŭvajuć błokpost. Błokpasty z učarašniaha dnia taksama ŭstalavanyja na terytoryi Homielskaha chimzavoda. Zaraz mantujecca post na vyjeździe z Homiela pa trasie R-30 (u bok vioski Pakalubičy)», — adznačaŭ «Fłahštok».
Kamientary
Primu začiet,kohda vručnuju blindaž v tri nakata sdiełajut .
Na siehodniašnij dień,nado śvierchu jeŝie navies iz rabicy ot kamikadzie.
Eta šniaha na foto raźletitsia ot piervoho prileta rph .