Biełarusy prydumali znak dla tvoraŭ biez vykarystańnia štučnaha intelektu
Vydaviectva Gutenberg Publisher, zasnavanaje ŭ Krakavie biełarusami, pačało paznačać svaje navinki śpiecyjalnym znakam No AI content inside («Nie ŭtrymlivaje źmieściva, stvoranaha štučnym intelektam»). Cikava, što łahatyp prydumaŭ adzin z aŭtaraŭ vydaviectva, a ŭ polskich drukarniach užo pytajucca — ci heta nie niejki novy abaviazkovy znak.
Ciešyć, što biełaruskija vydaŭcy paśla pahromu, učynienaha ŭładami, nie tolki nie zdalisia, ale vydajuć novyja knihi za miažoj i navat pačynajuć zadavać novyja standarty.
U śviecie ŭžo isnujuć pašyranyja znaki dla paznačeńnia charčovych praduktaŭ, jakaja nie ŭtrymlivajuć hienna madyfikavanych składnikaŭ, ci, naprykład, Fairtrade — šakaładu, kavy ci vopratki, vyrablenych z zachavańniem asnoŭnych pravoŭ vytvorcaŭ u biednych krainach.
A voś ahulnapryniatych anałahaŭ takoha znaku «Biez vykarystańnia AI» u inšych krainach pakul što niama — biełarusy tut na vastryi tendencyi.
Adzinaj dumki nakont «štučnaha intelektu» jašče nie vypracavałasia, i, mahčyma, nikoli nie budzie. Znak moža być karysny tym, chto choča harantavana mieć pierad saboj artefakt, stvorany realnymi ludźmi.
Vydaviectva Gutenberg Publisher zaprašaje aŭtaraŭ i mastakoŭ paznačać svaje tvory i abiacaje vysłać fajł znaka kožnamu, chto zachoča im karystacca.
ES abaronić hramadzian ad štučnaha intelektu zakonam: nijakich «sacyjalnych rejtynhaŭ», raspaznavańnie tvaraŭ tolki pa rašeńni suda
«Gutenberg Publisher budzie nie prosta vydaviectvam, a i intelektualnaj prastoraj». Stvaralnica biełaruskaha vydaviectva za miažoj — pra pracu, hrošy, nadziei i pierśpiektyvy
Źjaviŭsia pazł «Bitva pad Oršaj» i «Biełaruski narodny sońnik»
«Joj było vielmi drenna apošnim časam». Znajomyja pra Śviatłanu Krucikavu, jakaja skončyła žyćcio samahubstvam paśla cisku milicyi3
Kamientary