«Łukašenku ad AAN dasłali zvyčajnaje typavoje zaprašeńnie» — Franak Viačorka
Hałoŭny daradca Śviatłany Cichanoŭskaj Franak Viačorka prakamientavaŭ pa prośbie vydańnia «Pozirk» infarmacyju pra toje, što Alaksandr Łukašenka nibyta atrymaŭ ekskluziŭnaje zaprašeńnie naviedać mierapryjemstva ad hienieralnaha sakratara AAN Antoniu Huteryša.
«Takija zaprašeńni rassyłajucca aŭtamatyčna», — paviedamiŭ Viačorka. I dadaŭ: «My na suviazi z AAN».
Raniej daradca Cichanoŭskaj pa pravavych pytańniach Kryścina Rychter zajaviła, što zaprašeńnie Łukašenki ŭ AAN nie nadaje jamu lehitymnaści. Rychter padkreśliła, što «dla aanaŭskaj struktury toj, chto maje efiektyŭnuju ŭładu nad terytoryjaj, źjaŭlajecca jaje pradstaŭnikom».
Samit AAN pa Metach ustojlivaha raźvićcia maje adbycca ŭ Ńju-Jorku ŭ vieraśni. Łukašenka atrymaŭ zaprašeńnie naviedać jaho asabista, ale jašče nieviadoma, ci pajedzie.
Heta budzie druhi taki samit. Pieršy adbyŭsia ŭ 2015 hodzie. Łukašenka ŭ im udzielničaŭ.
Dniami ŭ Minsk pryjazdžała rehijanalnaja dyrektarka pa Jeŭropie i Centralnaj Azii Upraŭleńnia AAN pa kaardynacyi dziejnaści ŭ metach raźvićcia Hvi Jeop Son. Jana praviała sustrečy ź miascovymi čynoŭnikami i nahavaryła im šmat kamplimientaŭ, pastaviŭšy dziejańni łukašenkaŭskaj Biełarusi ŭ halinie ŭstojlivaha raźvićcia navat u prykład inšym krainam. Heta vyklikała niehatyŭnuju reakcyju z boku apanientaŭ režymu, jakich aburyła toje, što mižnarodnaja čynoŭnica zapluščyła vočy na maštabnyja palityčnyja represii, jakija ŭžo amal try hady mietadyčna i niaspynna pravodzić režym Łukašenki.
«Ja ź nieciarpieńniem čakaju vašaha asabistaha ŭdziełu». Pres-słužba Łukašenki paćvierdziła atrymańnie im zaprašeńnia na samit ad hiensaka AAN
Łatuška čynoŭnicy AAN: Vam mała palitviaźniaŭ i vymušanych mihrantaŭ?
AAN uražanaja dasiahnieńniami Biełarusi va ŭstojlivym raźvićci i choča bačyć Łukašenku na samicie ŭ Ńju-Jorku
Apublikavali razmovy žonki Bałaby, u jakich jana sprabuje schavać ad muža troch kachankaŭ, u tym liku Rusłana Alachno22
Kamientary