Ukraina pahružaje Rasiju ŭ «tuman vajny», ukraincy vialikija majstry ŭ hetym — Le Monde

Jak adznačajecca ŭ artykule Le Monde, termin «tuman vajny» tearetyčna abhruntavaŭ pruski hienierał Karł fon Kłaŭzievic (Carl von Clausewitz). Jon aznačaje niaŭpeŭnienaść u tym, što adbyvajecca, jakuju adčuvajuć udzielniki vajennych dziejańniaŭ.

«Tuman — heta strukturnaja ŭmova vajny. My stvarajem jaho, kab zabiaśpiečyć biaśpieku apieracyi. I ŭkraincy vielmi zdatnyja ŭ hetaj hulni», — cytuje žurnalist francuzskaj haziety navukovaha supracoŭnika Centra analizu i prahnazavańnia mižnarodnaj ryzyki i hałoŭnaha redaktara časopisa «Défense & sécurité internationale» («Abarona i mižnarodnaja biaśpieka») Žazefa Anratena (Joseph Henrotin).

U artykule adznačajecca, što ŭkrainskaja armija naroščvaje namahańni, kab zhuścić hety tuman. U jakaści prykładu pryvodzicca kolkaść atak bieśpiłotnikaŭ, jakaja ŭzrasła apošnija dni, na pazicyi rasijan nie tolki na akupavanych terytoryjach, ale i ŭ Rasii. Siarod ich — ataki na skład paliva ŭ porcie Sievastopala (27 krasavika), terminał u Tamani i Ilski naftapierapracoŭčy zavod u Krasnadarskim krai (4 maja).

Pavialičvajecca i kolkaść dyviersijnych apieracyj. Tak, 1 i 2 maja ŭ Branskaj vobłaści ŭ vyniku padryvu čyhunki syšli z rejek dva ciahniki. 1 maja była paškodžana linija elektrapieradač kala pasiołka na poŭdzień ad Sankt-Pieciarburha. 3 maja FSB Rasii zajaviła ab likvidacyi sietki ŭkrainskich partyzan u Krymie.

Akramia taho, adznačajecca ŭ artykule, pačynajučy ź siaredziny krasavika ŭkrainskija siły pravodziać drobnyja apieracyi na ŭsioj praciahłaści frontu 1800 kiłamietraŭ.

«Ukraincy bjuć na poŭnačy, a taksama na poŭdni i ŭschodzie. Heta stavić pierad rasijskim Hienieralnym štabam dylemy: ci jon vyrašaje abaraniać usio, ryzykujučy być słabym usiudy, ci kancentruje svaje siły ŭ peŭnych miescach, što robić inšyja ŭraźlivymi», — cytuje vydańnie słovy ekśpierta Ž. Anratena.

Vybar hety, jak adznačaje ekśpiert, uskładniaje niedachop srodkaŭ dla taho, kab daviedacca, dzie ŭkraincy kancentrujuć svaje siły. U rasijan jość tolki dva vajskovyja spadarožniki aptyčnaha nazirańnia. Jany znachodziacca na nizkaj arbicie i nie mohuć vyjści na bolš vysokuju. Ukraincy viedajuć čas ich prachodu nad svajoj terytoryjaj i na hety čas prosta chavajucca.

Istotnyja straty panios rasijski fłot raźviedvalnych bieśpiłotnikaŭ «Arłan», a samaloty-raźviedčyki Ił-20 i An-30 redka nabližajucca da ŭkrainskaj miažy, bo bajacca ŭkrainskich sistem SPA.

U artykule adznačajecca, što ślepata rasijskaha boku kantrastuje z masivam danych, jakija maje ŭ svaim rasparadžeńni Ukraina.

Ź leta 2022 hoda Kijeŭ aranduje ŭ finskaj kampanii Iceye spadarožnik radyjołakacyjnaha nazirańnia. Jon dazvalaje nazirać za Ziamloj jak nočču, tak i va ŭmovach mocnaj vobłačnaści. Z kampanijaj taksama padpisana pahadnieńnie ab dostupie da vyjaŭ vysokaj jakaści z dvaccaci inšych spadarožnikaŭ.

Heta daje mahčymaść sačyć za abjektami z vysokaj častatoj. Zachodnija sajuźniki taksama dali ŭkraincam dostup da ŭłasnych spadarožnikavych resursaŭ.

Karespandent źviartaje ŭvahu i na toje, što apošnija dni ZŠA i šerah jeŭrapiejskich krain pavialičyli paloty radyjotechničnaj raźviedki na miežach Ukrainy. Heta dazvalaje vyznačyć miescaznachodžańnie radyjołakacyjnych sistem praciŭnika.

U dadatak da hetaha ŭkrainskija i zachodnija aficyjnyja asoby množać zajavy, jakija nakiravanyja na toje, kab zabłytać rasijan. Tak, 27 krasavika hienieralny sakratar NATA Jens Stołtenbierh (Jens Stoltenberg) zajaviŭ ab tym, što sajuźniki nakiravali 98% abiacanaj techniki, a na hetym tydni ŭkrainskaja armija abviaściła ab uviadzieńni ź viečara 5 maja kamiendanckaj hadziny na 58 hadzin u Chiersonie.

Ab tym, nakolki takija zajavy vyklikajuć chvalavańni ŭ rasijskaha boku, śviedčać, na dumku aŭtara artykuła, zajavy, ź jakimi ŭ apošnija dni vystupiŭ Jaŭhien Pryhožyn.

Inšym śviedčańniem chvalavańnia, na dumku francuzskaha žurnalista, zjaŭlajecca zajava Rasii ab častkovaj evakuacyi vasiamnaccaci nasielenych punktaŭ u akupavanaj Zaparožskaj vobłaści. Dla ekśpiertaŭ, zaŭvažaje aŭtar artykuła, heta znak taho, što rasijski Hienieralny štab dapuskaje, što tam pačniecca ŭkrainskaje kontrnastupleńnie, i choča da jaho padrychtavacca.

Što heta, pravilny vybar Maskvy ci paśpiachovaja manipulacyja Kijeva? Vynik bitvy, jakaja ŭ chutkim časie pavinna adbycca, častkova zaležyć ad adkazu na heta pytańnie, — reziumuje aŭtar artykuła.

Čytajcie jašče:

Jaŭhien Pryhožyn źviazaŭsia z pradstaŭnikami Kadyrava dla pieradačy pazicyj u Bachmucie

Rasija naŭrad ci zmoža całkam abaranić svaju čyhunku ad dyviersij — raźviedka Brytanii

Rasija zamianiła pryjarytet zachopu Bachmuta na padrychtoŭku da kontrnastupu — ISW

• 37
• 0
• 0
• 3
• 1
• 1
• 4
• 0