Ja abiacaŭ žonkam Statkieviča i Bialackaha, my nie mahli prahałasavać inakš — deputat litoŭskaha Siejma pra adchileńnie vieta Naŭsiedy
Litoŭski Siejm 20 krasavika adchiliŭ vieta prezidenta krainy Hitanasa Naŭsiedy ab sankcyjach suprać biełarusaŭ i rasiejcaŭ. Pazicyja Naŭsiedy była ŭ tym, kab zraŭniać biełarusaŭ i rasiejcaŭ u abmiežavańniach pravoŭ.
Parłamient prahałasavaŭ za zakon sa źmienami. Naprykład, biełarusam dali mahčymaść usio ž atrymlivać hramadzianstva Litvy, u adroźnieńnie ad rasiejcaŭ. Taksama biełarusy i dalej zmohuć kuplać žytło ŭ Litvie. Hitanas Naŭsieda nakłaŭ na zakon vieta, adnak deputaty adchilili i jaho — 99 hałasoŭ pry nieabchodnych 71.
«Svoboda» pahutaryła z deputatam Siejma, pradstaŭnikom litoŭskich chryścijanskich demakrataŭ Emanuelisam Zinhierysam, jaki byŭ adnym z najbolš aktyŭnych prychilnikaŭ adchileńnia vieta Naŭsiedy.
«Nam niama čaho dzialić»
«Takoj dyskusii ŭ Litvie nie było na praciahu dziesiacihodździaŭ. Chacia litoŭcy, jak i palaki, udzielničajuć va ŭsich mierapryjemstvach pa ŭšanavańni pamiaci Kastusia Kalinoŭskaha, Emilii Plater, Tadevuša Kaściuški. Heta našy paŭstancy suprać carskich satrapaŭ u Piciery. Heta baraćba za našu ahulnuju svabodu. U starym horadzie Vilni jość pamiatny znak Francišku Skarynu, biełaruskamu pieršadrukaru. My z žalem hladzim praź miažu, dzie Łukašenka čynić nievytłumačalnyja rečy ź biełaruskaj movaj. Usio heta było ŭ našych dyskusijach, asabliva my havaryli pra sotni hadoŭ razam u składzie Vialikaha Kniastva Litoŭskaha», — kaža spadar Zinhierys.
Na dumku deputata, biełarusam i litoŭcam niama čaho dzialić, a narody abjadnoŭvaje adzin simvał — Pahonia.
«Nam niama čaho dzialić — padniaty ci apuščany chvost našaha rycarskaha kania. Hetaja dyskusija adlustravałasia va ŭsich frakcyjach. Biełaruski narod šmatpakutny. U rasiejskim narodzie byli dziekabrysty, Barys Niamcoŭ, akademik Sacharaŭ, Kara-Murza. Ale ŭvieś rasiejski narod nie padymajecca suprać satrapa Pucina».
Zinhierys kaža, što ŭ 2020 hodzie biełarusy pakazali, što bolš nie chočuć žyć u dyktatury.
«Chacia pratest byŭ zanadta intelihientnym: spynialisia na śviatłaforach, nie šturmavali ŭ Miensku centralnych budynkaŭ, urada. Usio było nie tak, jak u nas u 1990 hodzie. I ŭsio ž zajaŭka biełaruskaha naroda na svabodu była pačutaja. Niahledziačy na zambavańnie praz televizar ad ranku da viečara, niezaležnyja apytańni biełarusaŭ pakazvajuć, što jany suprać vajny».
«Litoŭcy zdali ekzamien na dziasiatku»
Deputat Siejma zaklikaje pamiatać, što režym Łukašenki niezakonna znachodzicca va ŭradzie, a sapraŭdy vybrany biełaruskim narodam pradstaŭnik — heta Śviatłana Cichanoŭskaja.
«My zaŭždy čujem z hłybini biełaruskaha narodu inšyja intanacyi, tamu hety dyktatar Łukašenka i nie adpraviŭ biełaruskaj armii va Ukrainu. Navat zambavanyja «russkim mirom» sałdaty naŭrad ci masava naciskali b kurki, kab stralać va ŭkraincaŭ, a chutčej za ŭsio, pierajšli b na bok pałka Kalinoŭskaha».
Zinhierys praciahvaje, što ŭvieś hety kompleks blizkaha susiedstva ź biełarusami i dapamoh tamu, što parłamient tak instynktyŭna i masava adchiliŭ vieta Naŭsiedy.
«Heta było hłybinnaje apytańnie litoŭcaŭ u ich staŭleńni da biełarusaŭ. I hety hłybinny ekzamien litoŭcy zdali na dziasiatku». Ja asabista ŭ sotniach razmovach havaryŭ, što ciapierašnija rasiejcy i ciapierašnija biełarusy — heta nie adno i toje ž. Ale, zaznaču, my nie staim na padmurku nianaviści da rasiejskaha naroda. Instynkty biełarusaŭ na praciahu piaci-šaści stahodździaŭ stvaralisia sumiesna ź litoŭskimi, u ramkach VKŁ. U Biełarusi było mahdeburhskaje prava, a nie rabstva, jakoje arhanizoŭvali maskoŭskija kniazi».
Deputat parłamienta Litvy padkreślivaje, što maje šmat siabroŭ siarod biełaruskich palitviaźniaŭ — heta i Mikoła Statkievič, i Aleś Bialacki.
«My nie mahli zdać našu ahulnuju minuŭščynu, naša ahulnaje paŭstańnie «za vašu i našu svabodu», našych pakutnikaŭ, Kalinoŭskaha, — heta była b žudasnaja zdrada. Ja kažu heta sa ślazami na vačach, bo ŭ mianie šmat znajomych — ad Statkieviča da Bialackaha — siadziać ciapier u turmach. Ja daŭ słova Marynie Adamovič i Natalli Pinčuk, što my nie zdadzim vašych hierojaŭ. My nie mahli prahałasavać inakš».
Siejm Litvy pieraadoleŭ vieta prezidenta na zakon ab abmiežavańniach dla biełarusaŭ i rasijan
Śpikierka litoŭskaha Siejma: My pavinny patrabavać sankcyj suprać režymu Łukašenki, ale maksimalna padtrymać biełaruski narod
«Vielmi škada, što prezident nie prysłuchaŭsia da Cichanoŭskaj». Ministr zamiežnych spraŭ Litvy raskrytykavaŭ Naŭsiedu za vietavańnie zakona
Stała viadoma pra zatrymańnie 77-hadovaha Vasila Hustyra, adnaho z najlepšych ahraryjaŭ Biełarusi2
Kamientary