Raskrytaja asoba zasnavalnika Anonymous Russia. Im akazaŭsia vasiamnaccacihadovy chłopiec
Častku jahonaha pašparta pakazali čalcy rasijskaj chakierskaj hrupy Killnet, inšyja danyja pra asobu chłopca nam pieradali «Kibierpartyzany».
![](http://d3kcf2pe5t7rrb.cloudfront.net/img/w840d4webp1/photos/z_2023_04/screenshot2023-04-16at001440111-2n18t.jpg.webp)
Pa źviestkach «Kibierpartyzanaŭ», Arsieniju Jelisiejevu 18 hadoŭ. Jon rodam z Homiela, vučyŭsia ŭ škole №52.
Suprać chłopca raniej zavodzili kryminalnuju spravu. Pa źviestkach sa «źlitych» baz MUS, chłopiec 28 sakavika 2019 hoda, kali jamu było jašče 15, sprabavaŭ skraści z dachu častki anteny mabilnaj suviazi, jakija naležali «Vełkomu», ale jaho zaŭvažyli i zrabić heta jon nie zdoleŭ. Praŭda, čym heta dla jaho skončyłasia — nieviadoma.
![](http://d3kcf2pe5t7rrb.cloudfront.net/img/w732d4webp1/photos/z_2023_04/photo_2023-04-160037481-qa1ge.jpeg.webp)
Niadaŭna Jelisiejeva šukali siłami miascovaha pošukavaha atrada. 14 lutaha jon vyjšaŭ z domu ŭ kirunku vakzała ŭ Homieli i źnik na dzieviać dzion.
Data zaviadzieńnia kryminalnaj spravy, jak i artykuł, pa jakim jaho źmiaścili ŭ SIZA-3 Homiela, nieviadomyja.
Cikava, što paźniej rasijskija chakiery vydalili pahrozy ŭ adras biełaruskich uład, jaki raźmiaścili, daviedaŭšysia pra zatrymańnie paplečnika.
«Naša Niva» — bastyjon biełaruščyny
PADTRYMAĆSiłaviki zatrymali administratara kanała Anonymous Russia, jaki ŭvachodzić u sietku Killnet. Rasijskija chakiery pahražajuć biełaruskim śpiecsłužbam
Važna viedać. Jakim čynam represiŭnyja orhany dastajuć užo vydalenuju infarmacyju z Telegram i što možna z hetym zrabić?
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
Kamientary