Apielsinavy vielikodny piroh z šakaładam — prosty recept, a niezvyčajny
Prapanujem zrabić tradycyjny vielikodny piroh u bolš sučasnym varyjancie. Jaho asablivaść u tym, što cytrus razbaŭlaje sałodkaść desiertu i robić smak bolš aryhinalnym.
Vam spatrebicca:
- 100 h masła,
- 120 h biełaha šakaładu,
- 4 jajki,
- 130 h drobnaha cukru,
- 70 h pšaničnaj muki,
- 1,5 čajnaj łyžki razrychlalnika,
- 100 h mołataha mindalu,
- tolki što nadziortaja cedra 1 apielsina,
- forma dla kieksa.
Jak hatavać
Rastapicie masła ŭ kastruli. Dadajcie zdrobnieny šakaład i pakińcie na niekalki chvilin. Źmiašajcie da adnarodnaści.
Jajki ŭźbicie z cukram da pyšnaj pieny. Ulicie tudy šakaładnuju sumieś.
Dadajcie apielsinavuju cedru i pa žadańni — sok. Praciahvajcie ŭźbivać. Potym usypcie pšaničnuju muku z razrychlalnikam i mołatym mindalem.
Usio akuratna pieramiašajcie.
Vylicie ciesta ŭ formu dla kieksa.
Vypiakajcie pry tempieratury 170 hradusaŭ na praciahu 45 chvilin ci pakul zubačystka nie budzie vychodzić suchoj.
Piroh taksama možna ŭpryhožyć z dapamohaj biełaha šakaładu, śmietankovaha sousu i mindalnych pialostkaŭ.
Čytajcie jašče:
Da vielikodnaha stała. Robim paschu: 4 recepty, jakija abaviazkova atrymajucca
Recepty vielikodnaha stała: krašanki, paska, zapiečanaje miasa
Bondarava zachacieła dvuchmoŭja, jak u Finlandyi. My taksama za6
Kamientary
a astatniaje ŭ recepcie norm