Bołtan: Mahčymaje pahłynańnie Biełarusi — prablema, jakoj my nadajom zamała ŭvahi
Zajava prezidenta Rasii Uładzimira Pucina ab raźmiaščeńni jadziernaj zbroi ŭ Biełarusi, vierahodna, nie źjaŭlajecca blefam, zajaviŭ u efiry CNN były daradca prezidenta ZŠA pa nacbiaśpiecy Džon Bołtan.
«Miarkuju, jon [Pucin] blefavaŭ raniej, kali sprabavaŭ machać «jadziernaj šablaj». Mahčyma, jon nie blefuje ciapier», — skazaŭ Bołtan u adkaz na pytańnie pra toje, ci možna rasceńvać pastanovu Pucina ab jadziernaj zbroi ŭ Biełarusi jak prostuju pahrozu.
Eks-daradca pa nacbiaśpiecy dapuściŭ, što Pucin moža faktyčna pieramiaścić u Biełaruś taktyčnuju jadziernuju zbroju. Jon pryznaŭ, što heta stvaraje asobnuju prablemu, jakoj na Zachadzie, na jaho dumku, nie nadajuć dastatkovaj uvahi: mahčymaje paŭtornaje pahłynańnie Biełarusi Rasijaj.
«Ale ŭ vajskovym dačynieńni, navat kali b jon [Pucin] heta zrabiŭ, u rečaisnaści heta nie mieła b vialikaha značeńnia», — dadaŭ Bołtan.
Jon nahadaŭ, što Rasija jašče ŭ časy SSSR raźmiaściła ŭzbrajeńnie, u tym liku jadziernyja zapasy, u Kalininhradskaj vobłaści, jakaja raźmieščanaja na zachad ad Biełarusi i akružanaja krainami NATA — Litvoj i Polščaj.
«Hety rehijon doŭhi čas, jašče z časoŭ Savieckaha Sajuza, byŭ u asnoŭnym rasijskim vajskovym abjektam. Tam raźmiaščalisia rakiety faktyčna ŭ parušeńnie damovy ab likvidacyi rakiet siaredniaj i mienšaj dalokaści, ź jakoj ZŠA vyjšli niekalki hadoŭ tamu», — zajaviŭ Bołtan.
Takim čynam, padsumavaŭ jon, najbolšuju pahrozu moža pradstaŭlać patencyjał, jaki Rasija ŭžo maje ŭ Kalininhradskim ankłavie.
— Ja nie dumaju, što ideja pierakidvańnia niekatoraj kolkaści taktyčnaj jadziernaj zbroi ŭ Biełaruś mianiaje hety bałans, — padkreśliŭ eks-daradca prezidenta ZŠA.
Rasija pa prośbie Łukašenki raźmieścić u Biełarusi jadziernuju zbroju
ZŠA pakul nie bačać prykmiet pierakidańnia jadziernaj zbroi ŭ Biełaruś
Łukašenka ŭ 2022-m: «Ja nie płanuju raźmiaščać jadziernuju zbroju. Takoha nikoli nie było». Pucin u 2023-m: «Alaksandr Ryhoravič daŭno prasiŭ raźmiaścić jadziernuju zbroju»
Ministram kultury pryznačany artyst Rusłan Čarniecki7
Ministram kultury pryznačany artyst Rusłan Čarniecki
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary