Ofis Cichanoŭskaj prakamientavaŭ novy zakon, jaki mohuć pryniać pa biełarusach u Litvie
Siejm Litvy ŭ pieršym čytańni pryniaŭ zakonaprajekt ab uviadzieńni abmiežavańniaŭ u adkaz na vajennuju ahresiju Rasii va Ukrainie. Niekatoryja ź ich tyčacca i hramadzian Biełarusi.
«Ciapier my viadziom kansultacyi z našymi partniorami i hatovyja dla supracy z zakanadaŭčaj i vykanaŭčaj uładami, kab razabracca ŭ situacyi», — kaža daradca Ofisa Cichanoŭskaj pa pravavych pytańniach Kryścina Rychter.
Jana ličyć, što zakonaprajekt budzie pryniaty, bo jaho nieabchodnaść tłumačycca abaronaj nacyjanalnaj biaśpieki Litvy. Zadača Ofisa, kaža jana, źmienšyć nastupstvy hetaha zakona dla biełarusaŭ, jakija nie źviazany z padtrymkaj režymu Łukašenki i vajennaj ahresii va Ukrainie.
«Śviatłana Cichanoŭskaja siońnia ŭviečary ŭ Złučanych Štatach Amieryki maje namier sustrecca z raspracoŭščykami zakonaprajekta, kab byli ŭličanyja nacyjanalnyja intaresy i Litoŭskaj Respubliki, i hramadzian Biełarusi», — davodzić Kryścina Rychter.
Pa jaje słovach, zakonaprajekt z normami, jakija ŭščamlajuć intaresy hramadzian Biełarusi, staŭ niespadziavankaj dla Ofisa. Da jaho pryniaćcia ŭ pieršym čytańni jon byŭ apublikavany ŭ presie i niekatoryja jaho pałažeńni zaznali źmieny. Kansultacyj z Ofisam nie było, i jon nie ŭdzielničaŭ u raspracoŭcy, adznačaje Kryścina Rychter.
«Ciapier na etapie zakanatvorčaści pastarajemsia ŭklučycca ŭ praces, kab patłumačyć litoŭskamu boku, što varta padychodzić da ŭviadzieńnia abmiežavańniaŭ nie pa prykmiecie pašparta, a pa prykmietach supracoŭnictva z režymam Łukašenki, naprykład, u pytańniach finansavaj ci inšaj jaho padtrymki. Kab vyklučyć nastupstvy abmiežavańniaŭ dla tych ludziej, jakija ŭvieś čas isnavańnia režymu zmahajucca ź im», — tłumačyć pazicyju Ofisa Rychter.
Jana nahadvaje, što ŭ Litvie dziejničaje nadzvyčajnaje stanovišča, uviedzienaje ŭ 2021-m u suviazi ź mihracyjnym kryzisam na miažy ź Biełaruśsiu. I zhodna ź im, vizavyja abmiežavańni ŭžo isnujuć.
«Dla biełarusaŭ, jakija majuć humanitarnyja vizy i dazvoły na žycharstva, ničoha nie źmienicca. Kali ž jość dziejnaja viza ci dazvoł na žycharstva, to budzie mahčymaść ich pradaŭžeńnia. Prablemy mohuć źjavicca ŭ tych, chto pryjechaŭ u Litvu pa pracoŭnych vizach i ŭ suviazi z rełakacyjaj kamiercyjnych arhanizacyj. Pytańni paŭstanuć taksama ŭ tych, chto nie maje litoŭskaj vizy», — tłumačyć Kryścina Rychter.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8181
Kamientary
Nie treba mieć niejkich iluzij nakont kaštonaŭściej ci pryncypaŭ zachodnich demakratyčnych krain. Pracuje vyklučna stratehija "reał palityk" va ŭsich vypadkach. Niejkija sustrečy i abiacańni robiacca tolki dziela miedyjnaści i padniaćcia palityčnych rejtynhaŭ.
a nikoli nie dumali - navošta Letuva ŭtrymlivaje hetu, skažam tak, nietannuju hościu? niaŭžo z čysta altruistyčnych pamknieńniaŭ?