Były palitviazień paśla słužby va USU spadziajecca znajści prytułak u Polščy
25-hadovy Maksim Praženik na froncie advajavaŭ siem miesiacaŭ. Z vojska zvolniŭsia z asabistych pryčyn. Na radzimie jon asudžany na 3 hady «chimii» za ŭdzieł u paślavybarčych pratestach.
Maksima Praženika 22 listapada 2021 hoda sud Zavodskaha rajona Minska pakaraŭ tryma hadami «chimii» za ŭdzieł u akcyi pratestu, jakaja adbyłasia ŭ noč z 9 na 10 žniŭnia 2020 hoda. Sudździa Aleh Kalada paličyŭ, što dziejańni chłopca hruba parušali hramadski paradak i da abmiežavańnia voli dadaŭ jašče bujny štraf.
Maksima Praženika pravaabaroncy pryznali palitźniavolenym. Jaho schapili ŭ vieraśni 2021 hoda i ŭtrymlivali na Vaładarcy da abviaščeńnia vyraku. Pa vyzvaleńni z-pad varty jon uciok va Ukrainu. Pašpart zastaŭsia ŭ sudzie, a na rukach była tolki jaho zavieranaja kopija. Kali pačałasia vajna, to kopii chapiła, kab zaklučyć kantrakt z Uzbrojenymi siłami Ukrainy.
«Na froncie ja prabyŭ z 1 sakavika pa 19 kastryčnika. Zvolniŭsia z asabistych pryčyn, jakija nazyvać nie chacieŭ by», — kaža Maksim.
Pa zvalnieńni z armii chłopcu dazvolili znachodzicca va Ukrainie piać miesiacaŭ, a potym jon abaviazany byŭ źjechać. Varyjant viartacca na radzimu dla jaho byŭ nieprymalny.
Na ŭkrainska-polskaj miažy Maksim prabyŭ amal sutki. Pa jaho słovach, polskija pamiežniki nie chacieli jaho puskać z kopijaj pašparta i daviedkaj ab udziele ŭ vajennych dziejańniach, ale ŭsio ž prablemie dali rady.
Ciapier Maksim u Polščy i musić vyrašyć, što jamu rabić dalej.
«Naša Niva» — bastyjon biełaruščyny
PADTRYMAĆČytajcie taksama:
«Iduć na vajnu ŭ patryjatyčnym zapale, a vojska — heta dyscyplina i rucina». Pra vyharańnie kalinoŭcaŭ i nie tolki
Što viadoma pra novuju biełaruskuju vajskovuju čaść va Ukrainie
Na Bi-bi-si vyjšaŭ aŭdyjapadkast pra połk Kalinoŭskaha
Kamientary