Na kancercie ŭ Taškiencie Daniłu Papiarečnamu vyklučali mikrafon kožny raz, kali jon uzhadvaŭ Pucina
Rasijski stendap-komik Daniła Papiarečny zajaviŭ, što arhanizatary jahonaha kancerta ŭ Taškiencie cenzuravali jahony vystup, «kali žart ci tema chacia b uskosna tyčylisia aktualnaha paradku».
«Jany navat samastojna vyrazali biez uzhadnieńnia žart z adkryvałki kancerta, dzie prosta było słova «Rasija». U vyniku jak minimum 50 chvilin materyjału było «zamjučana» pa ŭkazcy miascovych pravaachoŭnych orhanaŭ. Adčuŭ siabie jak doma», — napisaŭ Papiarečny paśla kancerta. Jon vybačyŭsia pierad hledačami i prapanavaŭ viarnuć hrošy za kvitki.
Uźbiekskija ŚMI paviedamili, što, pa słovach vidavočcaŭ, mikrafon vyklučali, kali Papiarečny kazaŭ pra rasijskaje ŭvarvańnie va Ukrainu, Uładzimira Pucina i palityku. Adzin z hledačoŭ skazaŭ, što bačyŭ, jak z kancerta vyvodzili ludziej, jakija kryčali «Słava Ukrainie!».
Daniła Papiarečny paśla pačatku vajny źjechaŭ z Rasii i vystupiŭ suprać rasijskaj ahresii va Ukrainie.
Kamientary