Ź Litvy ŭ Biełaruś vyvoziać rekordnuju kolkaść aŭto. Ale ŭ našaj krainie jany nie zatrymlivajucca
Pa słovach handlaroŭ, šukajuć niestaryja mašyny, raskošnyja madeli, piša Delfi sa spasyłkaj na LNK. Kančatkovaja meta — Rasija.
Regitra (dziaržpradpryjemstva, jakoje zajmajecca rehistracyjaj aŭto) fiksuje rost kolkaści mašyn, jakija vyvoziacca ź Litvy ŭ Biełaruś.
«My bačym, što, u paraŭnańni ź minułym hodam, vyvoziać bolš, u studzieni—lutym 2022 hoda vyvieźli 268, a sioleta — 2600 ź lišnim aŭtamabilaŭ. Rost vidavočny, jon uražvaje», — skazaŭ pradstaŭnik Regitra Saŭlus Šuminas.
Rekordnyja pieramieny pačalisia z pačatku hetaha hoda. Vyvoziać u asnoŭnym lehkavyja aŭtamabili. Adznačajecca, što pakupniki z peŭnych sacyjalnych hrup, jakija atrymlivajuć vialikija lhoty. «Heta biełarusy, jakija mienš płaciać padatkaŭ, — šmatdzietnyja, usiakija vieterany — jany biaruć mašyny nie starejšyja za 2010 hod, dzieści 2010-2015 hh, mienš płaciać pošlinu», — skazaŭ adzin z pradaŭcoŭ Kaŭnaskaha aŭtarynku.
U Biełaruś viazuć mašyny canoj 4000-5000 jeŭra: Volkswagen, Audi, Toyota. Biełaruś raniej nie karystałasia takoj papularnaściu, a ciapier adznačajucca pieramieny.
«Standartam pakul zastajecca Ukraina (impart va Ukrainu). Byŭ pik letaś, u mai-červieni, tady ŭ ich źniali pošliny, jany jechali masava, ciapier patok źmienšyŭsia. Niejkija novyja napramki nie źjavilisia», — kaža Saŭlus Šuminas.
Paśla taho, jak u Litvie ŭstalavaŭsia novy paradak uliku ŭładalnikaŭ, pradaŭcy abaviazanyja ŭkazvać, kamu pradadzienaje aŭto i jaki kančatkovy punkt dastaŭki. Miarkujuć, što heta dazvoliła ŭbačyć, jakaja kolkaść aŭto traplaje ŭ inšyja krainy.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary