Alaksandr Łukašenka padpisaŭ ukaz «Ab arendnym žylli dla vajskoŭcaŭ», jakim ustanoŭleny paradak i ŭmovy pieradačy va ŭłasnaść vajskoŭcam vydzielenaha im arendnaha žylla, paviedamlaje jaho pres-słužba. Da vajskoŭcaŭ adnieśli ŭsich siłavikoŭ, akramia mytnikaŭ.
Pavodle ŭkaza, arendnaje žyllo siłavikam budzie biazvypłatna pieradavacca va ŭłasnaść pry najaŭnaści ŭ ich 25 kalandarnych hadoŭ vysłuhi.
Pry najaŭnaści 20 kalandarnych hadoŭ znachodžańnia na słužbie žyllo budzie pieradavacca na płatnaj asnovie z mahčymaściu apłaty jaho koštu ŭ rasterminoŭku da 15 hadoŭ.
Ukazam praduhledžany taksama dadatkovyja sacyjalna-pravavyja harantyi dla siłavikoŭ i členaŭ ich siemjaŭ.
- Dla vajskoŭcaŭ, jakija majuć vysłuhu 20 kalandarnych hadoŭ i jakija zvolnienyja u zapas, ale nie chočuć nabyvać arendnaje žyllo va ŭłasnaść, zachoŭvajecca prava vałodańnia i karystańnia hetym žyllom z mahčymaściu padaŭžeńnia damovy najmu da palapšeńnia imi žyllovych umoŭ.
- Členam siamji vajskoŭca, jaki zahinuŭ u suviazi z vykanańniem słužbovych abaviazkaŭ, arendnaje žyllo budzie pieradavacca va ŭłasnaść biazvypłatna, niezaležna ad vysłuhi hadoŭ.
- Za členami siamji vajskoŭca, pamierłaha pa inšych pryčynach u pieryjad prachodžańnia vajskovaj słužby, zachoŭvajecca prava vałodańnia i karystańnia arendnym žyllom na raniejšych umovach da palapšeńnia imi svaich žyllovych umoŭ.
Dziejańnie ŭkaza raspaŭsiudžvajecca na vajskoŭcaŭ i pryraŭnavanych da ich asob, jakija prachodziać słužbu ŭ Minabarony, MUS, MNS, KDB, DPK, Słužbie biaśpieki Łukašenki, Apieratyŭna-analityčnym centry pry Łukašenku, KDK, centralnych aparatach Śledčaha kamiteta i DKSE, a taksama ŭ arhanizacyjach, jakija ŭvachodziać u sistemu hetych dziaržaŭnych orhanaŭ abo padparadkavanyja im.
Ukaz ustupaje ŭ siłu praz try miesiacy paśla jaho aficyjnaha apublikavańnia.
Dzianis Mieljancoŭ i jaho reałpalityk: jon sapraŭdy pamianiaŭ pohlady ci prosta raniej maskiravaŭsia?47
Kamientary