Hałoŭnaja buchhałtarka sa Smarhoni bolš za 10 hadoŭ naličvała sabie pavyšany zarobak. Naličyła 60 tysiač rubloŭ
Apieratyŭniki BEZ Maładziečanskaha RAUS vyjavili złačynny zarobak 55-hadovaj žycharki Smarhoni, piša BiełTA.
![](http://d3kcf2pe5t7rrb.cloudfront.net/img/w840d4webp1/photos/z_2023_02/kalkulatar-wqwu8.jpg.webp)
Fota: BiełTA
Hałoŭny buchhałtar miascovaha pradpryjemstva pa zabieśpiačeńni palivam niezakonna pavialičvała svoj dachod z 2011 pa 2022 hod i pieradavała ŭ bank zahadzia łžyvyja danyja ab pamiery vypłat. Pieršyja piać hadoŭ złamyśnica štomiesiac dadavała sabie da aficyjnaha zarobku 200—300 rubloŭ, paźniej dapłaty stali pavialičvacca i pieravysili 1000 rubloŭ.
U vyniku žančyna atrymała 61 tysiaču rubloŭ, jakija traciła na asabistyja patreby.
Raspačata kryminalnaja sprava za kradziež šlacham złoŭžyvańnia słužbovymi paŭnamoctvami, ździejśnieny ŭ asabliva bujnym pamiery.
Žančynie pahražaje da 12 hadoŭ pazbaŭleńnia voli.
Kamientary