Jak paviedamlaje telehram-kanał Mash, na harnałyžnaj trasie kurorta «Roza Chutar» u rasijskim Sočy raptam niemaviedama adkul źjaviŭsia byk, jaki pavodziŭ siabie davoli ahresiŭna i badaŭ łyžnikaŭ dy snoŭbardystaŭ.
![](http://d3kcf2pe5t7rrb.cloudfront.net/img/w840d4webp1/photos/z_2023_02/content_byk_na_lyzhah-9qvz4.jpg.webp)
Jakim čynam žyviolina z susiedniaj pašy zdoleła pieraadoleć sietkavuju aharodžu trasy i apynułasia na schile, na jakim baviłasia šmat łyžnikaŭ i snoŭbardystaŭ, nie paviedamlajecca.
Sprabujučy ŭciačy z trasy, byk pačaŭ kidacca z boku ŭ bok, a kali zdabyć svabodu nie ŭdałosia, to pačaŭ badać turystaŭ, što traplalisia na jaho šlachu.
Urešcie na schile hary źjavilisia ratavalnyja słužby, jakija zvakujavali ludziej u biaśpiečnaje miesca i prystupili da adłovu žyvioliny. Surjozna ŭ vyniku nichto nie paciarpieŭ.
Kamientary