Tempieratura 38 hradusaŭ i vyšejšaja. Minzdaroŭja vypuściła pamiatku pra simptomy, jakija nielha ihnaravać
Ź siaredziny śniežnia ŭ Biełarusi pačała raści kolkaść zachvorvańniaŭ na VRVI. Ministerstva achovy zdaroŭja vypuściła pamiatku pra simptomy, jakija nie varta ihnaravać.
![](http://d3kcf2pe5t7rrb.cloudfront.net/img/w840d4webp1/photos/stock/_nn_bun_20191016-2-49pes.jpg.webp)
U Biełarusi ź siaredziny śniežnia adznačajecca ŭzdym zachvorvańniaŭ na vostryja reśpiratornyja virusnyja infiekcyi. Samymi raspaŭsiudžanymi ich prajavami Ministerstva achovy zdaroŭja nazyvaje bol u horle, nasmark, kašal i pavyšanuju tempieraturu.
Z hetaj nahody viedamstva padrychtavała pamiatku ź simptomami VRVI, hrypu, COVID-19, jakija nie varta ihnaravać.
U Ministerstvie achovy zdaroŭja nastojliva rekamiendujuć źviartacca da lekaraŭ, kali tempieratura padniałasia vyšej za 38 hradusaŭ, źjavilisia łamota ŭ ciele, hałavakružeńnie, młosnaść ci vanity, a taksama ciažar u hrudziach i abciažaranaje dychańnie.
«Asabliva vialikaja ryzyka ciažkaha ciačeńnia zachvorvańnia ŭ dziaciej, pažyłych pacyjentaŭ, ciažarnych žančyn, ludziej z chraničnymi zachvorvańniami i źnižanym imunitetam. Pradstaŭnikam hrup ryzyki vielmi važna vakcynavacca», — paviedamili ŭ viedamstvie.
Kamientary