Volhu Aniščuk aryštavali treci raz zapar, jana abviaściła haładoŭku
Siońnia jana musiła vyjści na volu, ale jaje znoŭ zatrymali i asudzili. Akramia hetaha, dniami jaje pieravieźli ź IČU na Akreścina ŭ IČU Mahilova, choć sud prachodziŭ u Minsku. Pravaabaroncam stała viadoma, što Volha abviaściła haładoŭku ŭ znak pratestu suprać ździekaŭ ź jaje, a jaje muža Arcioma źmiaścili ŭ ŠIZA ŭ babrujskaj kałonii.
![](http://d3kcf2pe5t7rrb.cloudfront.net/img/w840d4webp1/photos/z_2022_11/photo_2022-11-28_19-20-39-7acdg.jpg.webp)
Volhu Aniščuk, žonku palitźniavolenaha Arcioma Aniščuka, jaki raniej zaznaŭ katavańni ŭ mahiloŭskaj kałonii i byŭ asudžany pa dźviuch kryminalnych spravach, zatrymali 4 listapada. Jaje dva razy aryštoŭvali za pierasyłki z «ekstremisckich» telehram-kanałaŭ paviedamleńniaŭ u asabistaj pierapiscy, ahułam na 24 dni.
Žančyna za kratami ŭžo dva razy pierachvareła na branchit, bo jana ŭtrymlivajecca ŭ niečałaviečych umovach i śpić na bietonnaj padłozie. U IČU Mahilova ź jaje ździekujucca i na jaje akazvajecca cisk — try razy na dzień jaje prymušajuć raspranacca dahała i prysiadać.
Kamientary
akazvajecca cisk — try razy na dzień jaje prymušajuć raspranacca dahała i
prysiadać.