Niadaŭna dziciača-baćkoŭskuju supolnaść uskałychnuła navina pra vychad šostaj sieryi papularnych cacak — bonścikaŭ. Ale ž vyśvietliłasia, što novych hierojaŭ nielha budzie atrymać bonusami — treba budzie zapłacić, chacia i praduhledžany źnižki. U «Jeŭrahandli» raskazali, čamu pryniali takoje rašeńnie.
Jak ciapier možna budzie atrymać bonścika? Jość čatyry varyjanty, napisali ŭ akaŭncie sietki ŭ Instagram.
Možna ničoha nie kuplać u kramie, a prosta pryjści i kupić cacku za poŭnuju canu — za 88 kapiejek. A kab uziać bonścika pa akcyi za 20 kapiejek, treba budzie abo kupić niešta ŭ «Jeŭraopcie» na 20 rubloŭ, abo kupić bon-tavary, abo apłacić kuplu mabilnym dadatkam «Jeplus».
U sietcy kramaŭ raspaviali, čamu tam stali pradavać, a nie daryć bonścikaŭ.
— Sioleta my vyrašyli vydavać bonścikaŭ za simvaličnyja 20 kapiejek, kab cacki dastavalisia tolki tym ludziam, jakija ŭ ich zacikaŭlenyja i źbirajuć kalekcyju. Raniej, kali bonściki vydavalisia biaspłatna, cacki apynalisia taksama i ŭ pakupnikoŭ, jakim jany nie byli patrebnyja. Ciapier ža bonściki buduć vydavacca tolki pa žadańni klijenta za minimalnuju canu i dakładna apynucca ŭ rukach tych, chto ich lubiŭ i čakaŭ, — adznačyli ŭ Instagram-akaŭncie «Jeŭraopta».
Cacki-lipučki źjavilisia ŭ handlovaj sietcy ŭ 2017 hodzie i stali dzika papularnymi ŭ dziaciej. Taki markietynhavy chod pijarščyki «Jeŭraopta» padhledzieli ŭ jeŭrapiejskich kramach, dzie paśla ŭviadzieńnia takich bonusaŭ vyrastali siaredni ček i kolkaść novych pakupnikoŭ.
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii25
Kamientary
pryrodu, -kažu, -treba choć trochi bierahčy