Sport11

Kazły, rep i narkaman: jak zorki biełaruskaha futboła hulajuć u amatarskaj kamandzie ŭ Rasii

Ź viasny hetaha hoda ŭ Rasii nabiraje papularnaść novaja źjava — miedyjafutboł. Amatarskija kamandy ź viadomymi asobami, šyroka pradstaŭlenyja ŭ miedyja, pryciahvajuć tysiačy fanataŭ i majuć salidnyja biudžety. Mima hetaj załatoj žyły nie prajšli i biełaruskija futbolnyja zorki, jakich vy dakładna viedajecie.

Fota: goats.team / Instagram

Upieršyniu pra miedyjny (ci błohierski) futboł u Rasii zahavaryli ŭ kancy 2010-ch hadoŭ. Pieršaj viadomaj łastaŭkaj staŭ kłub «Ehrysi», zasnavany kamientataram Vasilom Utkinym. Paralelna z hulnioj u adnoj z maskoŭskich amatarskich lih «Ehrysi» zajmieŭ i ŭłasnaje realici-šou na Youtube pra žyćcio kamandy — na siońnia vypuščana ŭžo piać siezonaŭ.

Byli ŭ rasijskim futbole i inšyja viadomyja miedyjnyja kamandy. Toj ža «Amkał» (2,8 miljona padpisčykaŭ na Youtube), naprykład, pryjazdžaŭ u Biełaruś, dzie zhulaŭ z kamandaj fanataŭ minskaha «Dynama» — toj matč sabraŭ poŭny stadyjon na staličnaj vulicy Majakoŭskaha.

Ci ŭziać 2DROTS (3,3 miljona padpisčykaŭ na Youtube), čyj kanał, akramia matčaŭ, zbolšaha pryśviečany roznym futbolnym čelendžam (zadańniam) ź dziŭnymi pakarańniami nakštałt «zrabić durackuju stryžku».

Viasnoj 2022 hoda błohierski futboł narešcie atrymaŭ ułasny čempijanat. Pieršy siezon amatarskaj Miedyjalihi prajšoŭ z krasavika pa lipień, sabraŭ dziesiać kamand i 11 tysiač hledačoŭ na finalnaj hulni. U druhim siezonie, što doŭžycca ciapier, kamandaŭ užo 18, a finał płanujuć pravieści na 62-tysiačnaj «Hazpram Arenie» ŭ Sankt-Pieciarburhu.

U kamandaŭ Miedyjalihi nie tolki salidnyja aŭdytoryi na Youtube, ale i dachody, jakim pazajzdrościać niekatoryja prafiesijnyja kłuby. Naprykład, dziejny čempijon lihi 2DROTS pa kantrakcie z bukmiekieram «Fonbiet» atrymlivaje 10 miljonaŭ rasijskich rubloŭ u miesiac, nastupnym idzie «Amkał» — 9 miljonaŭ u miesiac ad kampanii Pari. Nie adnymi amatarami: u zajaŭkach kłubaŭ Miedyjalihi šmat zornych rasijskich futbalistaŭ, što raniej hulali ŭ mocnych prafiesijnych kamandach i navat u rasijskaj zbornaj. Naprykład, heta takija viadomyja ŭ minułym hulcy, jak Jahor Tytoŭ, Dynijar Bilaletdzinaŭ, Dźmitryj Syčoŭ, Raman Paŭlučenka.

A ź niadaŭniaha času ŭ Miedyjalizie ŭsio bolš biełarusaŭ. Zbolšaha ich pryciahvaje adna z samych ekstravahantnych kamandaŭ turniru — kłub GOATS, što pierakładajecca z anhlijskaj jak «kazły», i mienavita tak kamandu nazyvajuć u lizie. U samoj kamandzie spasyłajucca na toje, što słova GOAT dla ich abaznačaje greatest of all times (najvialikšy ŭsich časoŭ), ale ad asacyjacyi z rahatymi žyviołami nie admaŭlajucca: adnojčy GOATS navat vyjšli na pieradmatčavaje pastrajeńnie z žyvym kazłom.

Z «Arsienała» ŭ rasijskuju amatarskuju lihu

Niekalki turaŭ tamu kłub zajaviŭ na hulniu adrazu troch byłych hulcoŭ biełaruskaj naczbornaj: Ihara Šytava, Vitala Bułyhu i Viačasłava Hleba (brata Alaksandra Hleba, byłoj zorki łondanskaha «Arsienała» i pieramožcy Lihi čempijonaŭ u składzie «Barsiełony»). Całkam mahčyma, što da «kazłoŭ» dałučycca i sam Alaksandr: Hleb-małodšy apisaŭ imaviernaść udziełu brata ŭ lihie słovam «abmiarkoŭvajem».

Akramia Šytava, Bułyhi i Hleba, u Miedyjalizie zaśviaciŭsia Ihar Stasievič, niekali kapitan biełaruskaj futbolnaj zbornaj. Stasievič nie maje kłuba z 16 červienia, kali jon pakinuŭ «Čajku» z treciaha dyvizijonu rasijskaha futboła.

Raniej paŭabaronca trapiŭ u «čorny» śpis Minsportu, i ciapier jamu admaŭlajuć u pracy ŭ biełaruskich kłubach praz «prajavy pratesnych nastrojaŭ». Naprykład, u žniŭni 2020 hoda razam z kalehami pa BATE hulec padtrymaŭ adnakłubnika Antona Saroku, jaki trapiŭ na sutki, a praź niekalki miesiacaŭ vystaviŭ na dabračynny aŭkcyjon futbołku biełaruskaj zbornaj z ułasnym aŭtohrafam, hrošy za jakuju paźniej pajšli ŭ Biełaruski fond spartyŭnaj salidarnaści. Hetaj vosieńniu Ihar pačaŭ vystupać u minskaj amatarskaj lizie za kamandu «Zachad-3», a zaraz zhulaŭ za GOATS u matčy z adnymi ź lidaraŭ turnira — 2DROTS.

Kali Hleb sapraŭdy dałučycca da «kazłoŭ», jon atrymaje ledźvie nie samych ekstravahantnych adnakłubnikaŭ u žyćci. U formie kamandy, naprykład, užo vychodziŭ na pole repier i błohier Eldar Džarachaŭ — chłopiec z rostam 156 santymietraŭ zaniaŭ miesca bramnika. Na toj ža hulni čakali i repiera Pašu Technika, jaki niadaŭna trapiŭ u komu, spravakavanuju ŭžyvańniem narkotykaŭ i ałkaholu. Ale ž Technika da matča nie dapuściŭ arbitr, jaki paličyŭ jaho stan nieadekvatnym. I niezdarma: adrazu paśla startavaha śvistka repier raspranuŭsia, paralelna razdajučy ŭsim intervju, a potym vyrašyŭ prademanstravać na kamieru hienitalii. Paśla matča abviaścili, što Technik vyklučany z kamandy za «niespartyŭnyja pavodziny».

Ci daje turnirnyja vyniki taki miedyjna-skandalny padychod? Paśla piaci turaŭ GOATS z šaściu ačkami zajmajuć apošniaje (dziaviataje) miesca ŭ svajoj hrupie. Ale ŭ miedyjnym płanie jany na kani: tranślacyja hulni GOATS z Džarachavym u składzie suprać 2DROTS sabrała ŭ pikavy momant bolš za 60 tysiač hledačoŭ, a heta adzin z najlepšych vynikaŭ siezona.

«Naša Niva» — bastyjon biełaruščyny

PADTRYMAĆ

Skandalnaha himnasta Ivana Kulaka nie dapuścili na adkryty čempijanat Biełarusi. Jon vychodziŭ ź litaraj «Z» na hrudziach

«Dapamahaju Ukrainie jak mahu. Kali ni ŭ što nie vieryć, našto tady žyć?» — biełaruski futbalist Zołataŭ

Z kim futbolnaja zbornaja Biełarusi zhulaje ŭ adbory na Jeŭra-2024

Kamientary1

  • Fu takim być
    24.10.2022
    [Red. vydalena]

«Poka ty biez dieł». Rektarka Hrodzienskaha ŭniviersiteta ŭzarvała tyktok abscennaj leksikaj8

«Poka ty biez dieł». Rektarka Hrodzienskaha ŭniviersiteta ŭzarvała tyktok abscennaj leksikaj

Usie naviny →
Usie naviny

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda3

Sajt «Biełsata» pierajšoŭ na minimalny režym pracy4

Dyrektarka Sakretnaj słužby ZŠA paśla zamachu na Trampa pajšła ŭ adstaŭku6

Stała viadoma pra aryšt historyka Ihara Mielnikava21

U Hrodnie možna nabyć siadzibu apošniaha karala Rečy Paspalitaj

U Biełarusi z-za ŭrahanu zahinuli siem čałaviek

U Minsku pastaviać pomnik kačcy, jakaja vyhadavała ptušaniat na kłumbie ŭ centry horada4

Biełaruska vyraściła hihancki ahurok, jaki važyć dva kiłahramy FOTAFAKT1

U Ivanaŭskim rajonie ratavalniki dastali źmiaju z kanapy1

bolš čytanych navin
bolš łajkanych navin

«Poka ty biez dieł». Rektarka Hrodzienskaha ŭniviersiteta ŭzarvała tyktok abscennaj leksikaj8

«Poka ty biez dieł». Rektarka Hrodzienskaha ŭniviersiteta ŭzarvała tyktok abscennaj leksikaj

Hałoŭnaje
Usie naviny →