Bieły dom: Rasii nie varta navat dumać ab prymianieńni jadziernaj zbroi
Daradca prezidenta ZŠA pa nacyjanalnaj biaśpiecy Džejk Salivan zajaviŭ u intervju Si-en-en, što dla Vašynhtona niama nijakaj roźnicy ŭ tym, jakuju mienavita jadziernuju zbroju Rasija moža prymianić va Ukrainie.
Adkazvajučy na pytańnie, ci budzie adkazam na prymianieńnie taktyčnaj jadziernaj zbroi, naprykład, źniščeńnie nievialikaj celi ŭ Čornym mory takim ža, jak adkaz na bolš maštabny ŭdar, Džejk Salivan skazaŭ: «Prymianieńnie jadziernaj zbroi na poli boju va Ukrainie — heta prymianieńnie jadziernaj zbroi na poli boju va Ukrainie, i my nie źbirajemsia narazać heta na kavałki, jak salami. Dumki pra toje, što tut jość niejkija adroźnieńni [pamiž vidami ich prymianieńnia], źjaŭlajucca niebiaśpiečnymi».
«My ličym, — skazaŭ Salivan, — što Złučanyja Štaty razam z sajuźnikami pa NATA i inšymi adkaznymi krainami, uklučajučy Indyju i Kitaj, pavinny vyrazna dać Rasii zrazumieć, što joj nie varta navat zadumvacca pra vykarystańnie jadziernaj zbroi ŭ hetym kanflikcie».
Nahadajem, u vieraśni prezident ZŠA Džo Bajden zajaviŭ, što vykarystańnie Rasijaj taktyčnaj jadziernaj abo chimičnaj zbroi na terytoryi Ukrainy budzie mieć nastupstvy dla jaje, adnak amierykanskaja reakcyja budzie zaležać ad pamieraŭ naniesienaj škody. «Nastupstvy buduć. Jany stanuć bolšymi izhojami ŭ śviecie, čym kali-niebudź byli. I ŭ zaležnaści ad maštabaŭ taho, što jany zrobiać, my vyznačym, jakim budzie adkaz», — skazaŭ kiraŭnik Biełaha doma.
Na minułym tydni Bajden skazaŭ, što nie vieryć u toje, što Uładzimir Pucin pojdzie šlacham «jadziernaha Armahiedona». Pa jaho słovach, rasijski lidar robić biezadkaznyja zajavy.
Dzianis Mieljancoŭ i jaho reałpalityk: jon sapraŭdy pamianiaŭ pohlady ci prosta raniej maskiravaŭsia?47
Kamientary
A nie našaje zamšełaje, navad nia viedaju jak skazać.
-My pieramožam, tolki my budziem na Hibłartary, ale kali ŭsio atrymajecca, to nam kali łaska karaleŭski tron, nijak mieniej. A kali nie, my jak Śviatłana Aleksijevič (nie budu ŭsio pieraličać) zapłacim padatki chuncie z Nobieleŭskaj premii. Nu kab jana padaviłasia. Tolki nie padaviacca jany a pradoŭžać handl zakładnikami.