Viernikam na čale z ksiandzom Uładzisłavam Zavalniukom siłaviki zaminali malicca na prystupkach začynienaha Čyrvonaha kaścioła
Vierniki apošnimi dniami prychodziać da Čyrvonaha kaścioła i molacca kala jaho razam sa svaim probaščam. Ale hetym razam ułady vyrašyli čynić hetamu pieraškody. Pra heta napisaŭ u fejsbuku adzin ź viernikaŭ, Viktar Viedzień.
Viktar Viedzień napisaŭ:
«Siońnia parafijanam Čyrvonaha kaścioła i viernikam stalicy nie dazvolili sabracca kala śviatyni, kab razam pamalicca. A 15-j hadzinie ludzi jašče zmahli razam sa svami probaščam sabracca kala muroŭ kaścioła na malitvu.
U 17 hadzin, kali ludziej tradycyjna hetym časam prychodzić bolš, kab pamalicca, praź niekalki chvilin źjavilisia supracoŭniki milicyi, a paśla i ludzi ŭ cyvilnym, jakija prosta vyšturchoŭvali viernikaŭ z vonkavaj terytoryi śviatyni.
Była sproba nie dazvolić taksama probašču parafii ksiandzu kanoniku Uładysłavu Zavalniuku praciahnuć malitvu kala dźviarej začyniennaha kaścioła. Adnak sproba nie udałasia! Ludziej, jakija padychodzili na prystupki da kaścioła, taksama sprabavali nie puskać dalej. Astatnim ža pryjšłosia raździalacca paasobku vakoł svajho chrama, kab pamalicca ab chutčejšym viartańni chrama viernikam…»
U noč na 26 vieraśnia ŭ minskim kaściole śviatych Symona i Aleny adbyŭsia pažar, abstaviny jakoha dahetul niezrazumiełyja. Paśla hetaha chram, u jakim zhareła adna tolki draŭlanaja łava, začynili dla naviedvańniaŭ.
Paśla taho supracoŭniki MNS pryznali, što kaścioł znachodzicca ŭ avaryjnym stanie i patrabuje ramontu, i z hetaj nahody jaho zabrali ŭ viernikaŭ. Sprava ŭ tym, što budynak aficyjna naležyć dziaržavie, a parafija karystajecca im na asnovie damovy biazvypłatnaha karystańnia.
U 2013 hodzie budynak kaścioła byŭ zamacavany za KUP «Minskaja spadčyna». Z 2019 hoda, to-bok paśla zakančeńnia rekanstrukcyi chrama, hetaja arhanizacyja naličvała kaściołu rachunki na amartyzacyju, ziamielny padatak i kamunałku, sama ž parafija ličyła patrabavańni dziaržavy niespraviadlivymi, bo kultavyja budynki mohuć być vyzvalenyja ad padatkaŭ. Na 2021 hod pamier doŭhu kaścioła pierad «Minskaj spadčynaj» składaŭ 350 tysiač rubloŭ, i mienavita hetaja arhanizacyja ciapier apaviaściła viernikaŭ ab skasavańni damovy karystańnia.
Čym urešcie skončycca sprečka vakoł kaścioła — prahnazavać składana. 11 kastryčnika parafija paviedamiła, jakaja situacyja na siońniašni dzień:
«1. U kaścioł my da hetaha času dasiahu nie majem.
2. Na adras KUP «Minskaja spadčyna» byli nakiravanyja listy z prośbaj ab strohim vykanańni patrabavańniaŭ pratakołu pasiadžeńnia kamisii pa nadzvyčajnych situacyjach pry Administracyi Maskoŭskaha r-na h. Minska numar 5 ad 26.09.2022 h., a mienavita dapuścić upaŭnavažanych pradstaŭnikoŭ parafii da daśledavańnia paškodžanych kanstrukcyj sa składańniem supolnaha aktu daśledavańnia, vopisu majomaści i vyznačeńnia miesca zachavańnia pa kožnaj pazicyi. Nazvany pratakoł taksama patrabuje stvaryć supolnuju kamisiju pa vyznačeńni naniesienaj pažaram škody.
3. Nakiravany zapyt u Śledčy kamitet Respubliki Biełaruś ab pradastaŭleńni infarmacyi pa vynikach praviedzienych śledčych dziejańniaŭ.
4. Parafija nakiravała adkryty list na adras Łukašenki.
5. Ksiondz-probašč nadalej tryvaje ŭ čystym poście na vadzie, jaki achviaruje ŭ intencyi viartańnia našaha kaścioła».
Čytajcie taksama:
«Spadziajemsia na plonnaje supracoŭnictva ź dziaržaŭnymi strukturami». Kataliki vykazalisia adnosna situacyi z Čyrvonym kaściołam
Minskija ŭłady prakamientavali skandał z Čyrvonym kaściołam
Ułady zabirajuć u viernikaŭ Čyrvony kaścioł. Što budzie dalej?
Nie tolki Čyrvony kaścioł. Ułady zakryli škołu pry katalickim Chryścijanskim sacyjalnym centry ŭ Minsku
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?10
Kamientary
...Što značyć - nievykaranieny i nieasudžany balšavizm-kamunizm-savietyzm. Čyrvonaja čuma!