Śviet44

«Žachlivy chaos» i pierahiby paŭsiul. Navat rasijskija čynoŭniki i prapahandysty stali krytykavać chod abvieščanaj Pucinym «častkovaj» mabilizacyi

Abvieščanaja mabilizacyja vyjaviła takuju ​​kolkaść prabiełaŭ i pytańniaŭ i prachodzić takim čynam, što stała abjektam paŭsiudnaj krytyki — choć raniej lubaja kampanija, abvieščanaja prezidentam Pucinym, stanaviłasia sakralnaj. Siarod hubiernataraŭ, prapahandystaŭ, čynoŭnikaŭ — razbrod i chistańnie, jany ŭpieršyniu publična i žorstka łajuć vajennaje viedamstva, piša telehram-kanał «Možiem objaśniť».

Hałoŭred prapahandysckaha RT Marharyta Simańjan zajaviła, što škodniki i piataja kałona zatailisia ŭ vajenkamatach i naŭmysna zryvajuć mabilizacyju. «Budiem raźbiracca z kožnym vypadkam. Budziem praviarać i dabivacca pakarańnia škodnikaŭ. […] Nazvać kankretnyja numary vajenkamataŭ i proźviščy vajenkamaŭ, ci nie treba pakul? Razjušvajuć ludziej, voś jak śpiecyjalna, jak na złość. Jak byccam Kijevam zasłanyja», — złujecca Simańjan u svaim kanale i prosić dasyłać joj vypadki «pierahibaŭ».

Na dumku prapahandystki, «ludziej vymarožvaje nie častkovaja mabilizacyja jak takaja, a chamstva i biezzakońnie. Tak było i tak budzie zaŭsiody. Nie złujcie ludziej», — pryhraziła vajenkamam hałoŭred RT.

Teleprapahandyst i deputat Andrej Miadźviedzieŭ padtrymlivaje Simańjan: «A ci možna pravieści mierapryjemstva narmalna, biez honki za spravazdačami i inšych idyjatyzmaŭ?»

Abaranić mužčyn ad niadbajnych vajennych kamisaraŭ vyrašyŭ i Uładzimir Sałaŭjoŭ: jon adkryŭ telegram-bot u jakim dapamahajuć tym, kaho pryzvali «pa pamyłcy». Čat-bot dla takich vypadkaŭ źjaviŭsia i ŭ prapahandysckaha ŚMI Readovka, i ŭ šerahu rehijonaŭ z padačy hubiernataraŭ.

 «Miarkujučy pa vodhukach [u vajenkamatach] jość i sapraŭdnyja vorahi majoj Radzimy. Ja zrablu ŭsio, što ad mianie zaležyć, kab pra tych, chto svaim staŭleńniem da słužby dapamahaje sapierniku, daviedalisia adpaviednyja orhany. U kožnaha złamanaha aŭtamata budzie proźvišča, imia i imia pa baćku», — abiacaje Z-vajenkar Jaŭhien Paddubny.

Kiraŭnik Minličby Maksut Šadajeŭ pajšoŭ suprać supracoŭnika AP, kiraŭnika SPČ Valeryja Fadziejeva, jaki prapanoŭvaŭ davać adterminoŭku tolki tym IT-śpiecyjalistam, jakija pracujuć u śfiery vajennaha pryznačeńnia. Šadajeŭ nastojvaje, što ajcišniki nieabchodnyja i ŭ cyvilnych śfierach.

Hubiernatary Uładzimirskaj, Biełharadskaj, Mahadanskaj abłaściej i Sievastopala jak pa raznaradcy vystupili z krytykaj vajenkamataŭ za pierahiby na miescach i niezakonny pryzyŭ usich spres, a mienavita — mužčyn starejšych za 50, ludziej ź vidavočnymi i chraničnymi prablemami zdaroŭja i šmatdzietnych baćkoŭ. Hubiernatar Biełharadskaj vobłaści Viačasłaŭ Hładkoŭ pachvaliŭsia, što pry jaho ŭdziele ŭdałosia vyratavać ad mabilizacyi 75 čałaviek.

U samim Minabarony, pa źviestkach Mash, taksama žorstka raskrytykavali vajenkamaty za chałatny padychod da farmavańnia reziervu, a namieśnik ministra abarony, hienierał vojska Źmicier Bułhakaŭ, jaki adkazvaŭ za zabieśpiačeńnie tyłu, užo papłaciŭsia svajoj pasadaj.

Mabilizacyja adbyvajecca ŭ žachlivym chaosie, tłumačyć palitołah Fiodar Krašanińnikaŭ. «Pra pierahiby kažuć nie tolki hubiernatary, ale i Vałodzin, i patryjatyčnyja kanały. Niehatyŭnaja reakcyja na pryzyŭ chvorych, pažyłych, vypadkovych ludziej — nakiravanaja na fiederalnyja ŭłady i samoha Pucina. Tamu dadzienaja kamanda ŭsialak vypraŭlać pamyłkovyja rašeńni i minimizavać palityčnuju škodu», — kaža ekśpiert.

«Hetyja zajavy — reakcyja na adčuvańnie straty kiravanaści pracesu i adnačasova sproba pieranieści adkaznaść za pierahiby na kaho-niebudź jašče», — prakamientavaŭ demaršy čynoŭnikaŭ i prapahandystaŭ kiraŭnik fondu «Pieciarburhskaja palityka» Michaił Vinahradaŭ.

Kamientary4

  • a.hto.tam.idze
    26.09.2022
    Tavaryš Chło navat na adpačynak nie moža źjeździć - usio pačynaje rujnavacca. Nu ničoha, car źvierniecca - naviadzie paradak adrazu, a vinavatych pakaraje!
  • K
    26.09.2022
    Prosta siusiukajuć, kab maskali poki nia rypalisia, a prosta jšli ŭ nadziei što ŭsiož raźbiarucca j vypraviać "pierahiby". Pakul nie apynucca va Ŭkrainie j vypraŭlać užo niama budzie čaho.
  • Belarus2020
    26.09.2022
    Bolš chaosu - chutčej pieramoha nad ciemrašałami.

Stryžak pra Pratasieviča: Sa mnoj takoha adbycca nie mahło10

Stryžak pra Pratasieviča: Sa mnoj takoha adbycca nie mahło

Usie naviny →
Usie naviny

Paśla ŭrahanu biełarusy padali bolš za 10 tysiač zajavak u Biełdziaržstrach1

Pad Minskam busieł kupaŭsia ŭ voziery razam ź ludźmi VIDEA5

Biełaruś paćvierdziła rasstrelny prysud Kryhieru: «Hiermanii prapanavanyja kankretnyja rašeńni»8

Alaksiej Tałaj prapanavaŭ dać Łukašenku zvańnie Hieroja Biełarusi23

Zabojca polskaha sałdata na miažy ŭstanoŭleny. Jon usio jašče ŭ Biełarusi3

Što viadoma pra sudździu i prakurorku, jakija vynieśli śmiarotny prysud hramadzianinu Hiermanii3

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia5

U Minsku raspačaŭsia «forum patryjotaŭ», pryśviečany 30-hodździu kiravańnia Łukašenki15

U centry Kijeva źnieśli siadzibu Zialenskich4

bolš čytanych navin
bolš łajkanych navin

Stryžak pra Pratasieviča: Sa mnoj takoha adbycca nie mahło10

Stryžak pra Pratasieviča: Sa mnoj takoha adbycca nie mahło

Hałoŭnaje
Usie naviny →