Hramadstva99

Pakazańni biełarusaŭ stali klučavymi ŭ spravie 40 polskich mytnikaŭ

Mytniki kažuć, što stali achviarami «hibrydnaj vajny» i paklopu.

Aficer polskaj mytni. Ilustracyjnaja vyjava

43 byłym i dziejnym mytnikam z polska-biełaruskich pamiežnych pierachodaŭ u Lublinskim vajavodstvie vystavili abvinavačańni ŭ złoŭžyvańni paŭnamoctvami i niepraŭdzivaj infarmacyi ŭ dakumientach. Klučavyja dokazy polskaje śledstva atrymała ź Biełarusi, piša «Radyjo Svaboda».

Heta vynik dvuchhadovaha rasśledavańnia, jakoje viała akruhovaja prakuratura ŭ Lublinie.

Havorka idzie pra nievykanańnie mytnikami svaich abaviazkaŭ pry viartańni PDV Tax Free. Hramadzianie Biełarusi, Ukrainy ci Rasii — krain, jakija nie ŭvachodziać u Jeŭrasajuz, kali kuplajuć u Polščy pralnyja mašyny, ladoŭni, televizary ci smartfony, pry vyjeździe ź ES paviedamlajuć pra heta mytnikam i im viartajuć PDV. Heta 23 pracenty ad cany praduktu. Kali ŭ kramie ŭ Biełaj Padlaskaj piataja viersija iPhone kaštavała 1499 złotych, to biełarus atrymlivaŭ «kešbek» 344,77 złotaha.

Pavodle polskaj prakuratury, u 2012—2013 hadach polskija mytniki afarmlali i zaćviardžali dakumienty, jakija śviedčyli ab vyvazie mabilnych telefonaŭ, za jakija nibyta byŭ viernuty PDV. Pry hetym sami aparaty, jak zapeŭnivali inšaziemcy, u hetym vypadku hramadzianie Biełarusi, nie byli kuplenyja ŭ Polščy i nie vyvozilisia imi. Pa viersii śledstva, hrošy ad viartańnia padatku išli ŭ kišeni fihurantaŭ — mytnikaŭ.

Sprava z ajfonami na miažy pačałasia z vybaračnaj padatkovaj pravierki adnoj ź firmaŭ, jakija handlujuć aŭdyja— i videatechnikaj u Biełaj Padlaskaj. Heta jana pradavała biełarusam telefony. Inśpiektary vyjavili ŭ kampanii fiskalnyja parušeńni, jakija, adnak, nie mieli dačynieńnia da mytnikaŭ.

U 2020 hodzie «spravaj ajfonaŭ» zacikaviłasia prakuratura ŭ Lublinie. U ramkach pravavoj dapamohi i dvuchbakovych damovaŭ śledčyja paprasili biełaruskuju prakuraturu dapytać uładalnikaŭ telefonaŭ. Biełarusy kateharyčna admaŭlali, što kuplali ŭ Polščy niejkija ajfony i pierasiakali ź imi miažu. I hety fakt akazaŭsia vyrašalnym dla prakuratury ŭ Lublinie.

Gazeta Wyborcza parazmaŭlała ź niekatorymi fihurantami spravy. Mytniki śćviardžajuć, što, kali atrymali pratakoły, vyśvietlili, chto śviedčyŭ suprać ich.

«My staranna zapisali imiony i ŭnieśli ich u našu sistemu. Akazałasia, što amal usie, chto nas abvinavačvaje, — kantrabandysty, drobnyja złačyncy, — raskazvaje ananimny mytnik. — Kantrabandysty vieźli ajfony, kab nie płacić vysokija myty ŭ Biełarusi, jakija siahajuć navat 40 pracentaŭ ich cany. Kali b jany raptam praź dzieviać hadoŭ pryznalisia ŭ machlarstvie, to mahli b trapić u turmu i stracić majomaść».

Viadoma, što pakul abvinavačvańni vystaŭlenyja 43 asobam. Ale ahułam u spravie fihuruje bolš za sotniu mytnikaŭ. Heta ŭ asnoŭnym supracoŭniki Lublinskaj mytni i padatkovaj słužby ŭ Biełaj Padlaskaj.

U abaronu mytnikaŭ vystupili prafsajuzy. Staršynia Prafsajuza polskaj mytni Słavamir Sivy paprasiŭ hienprakurora prakantralavać rasśledavańnie. Jon padkreślivaje, što na vystaŭleńnie abvinavačańniaŭ paŭpłyvali pakazańni hramadzian Biełarusi, apytanych biełaruskimi śledčymi ŭ ramkach pravavoj dapamohi.

«U kantekście hibrydnaj vajny, jakuju Biełaruś viadzie z Polščaj, takija śviedčańni nie varta ŭsprymać jak naležnaje», — padkreślivaje Sivy.

Kamientary9

  • feafania
    20.09.2022
    Ja b taksama nia stała daviarać biełaruskim śledčym. Akramia taho, adrazu padumała, što ni vodzin narmalny hramadzianin Biełarusi nie pryznajecca ŭ uvozie telefona, za jaki jaho potym biełaruskaja padatkovaja abaviaža spłacić padatak ź pieniaj.
  • Anonim
    20.09.2022
    Chto ŭ Biełarusi paviedaje praŭdu biełaruskaj prakuratury?
  • Vasia
    20.09.2022
    Nado žie kak udobno

Zaleva ŭ Minsku, vierahodna, była najmacniejšaj za ŭsiu historyju nazirańniaŭ3

Zaleva ŭ Minsku, vierahodna, była najmacniejšaj za ŭsiu historyju nazirańniaŭ

Usie naviny →
Usie naviny

U minskim parku Čaluskincaŭ zabaranili jeździć na šerynhavych elektrasamakatach

Čarha z aŭtobusaŭ pierad pierachodam «Kamienny Łoh» rassmaktałasia2

Stała viadoma, kudy ŭładkavaŭsia były hiendyrektar MTS Uładzisłaŭ Andrejčanka6

Straty rasijskaj armii ŭ 2024-m značna vyraśli. Pamiraje 200-250 bajcoŭ za dzień15

U Bajdena dyjahnastavali karanavirus1

788 ukrainskich vajskoŭcaŭ źnikli bieź viestak u bajach za siało Krynki Chiersonskaj vobłaści5

Ułady ZŠA abvinavacili nieanacysta z Hruzii ŭ padrychtoŭcy masavaha atručvańnia dziaciej u Ńju-Jorku5

Kruty vykazaŭ spačuvańni rodnym zahinułych padčas urahanu. Ale nie Łukašenka5

Vysokaintensiŭnyja fizičnyja nahruzki ŭ staraści palapšajuć pamiać

bolš čytanych navin
bolš łajkanych navin

Zaleva ŭ Minsku, vierahodna, była najmacniejšaj za ŭsiu historyju nazirańniaŭ3

Zaleva ŭ Minsku, vierahodna, była najmacniejšaj za ŭsiu historyju nazirańniaŭ

Hałoŭnaje
Usie naviny →