Indyjski miljarder abahnaŭ uładalnika Amazon i staŭ druhim najbahaciejšym čałaviekam u śviecie
Indyjski multymiljarder Haŭtam Adani abahnaŭ Džefa Biezasa ŭ rejtynhu bahačoŭ Bloomberg Billionaires Index.
«Haŭtam Adani, indyjski mahnat, jaki sioleta z šalonaj chutkaściu padymaŭsia pa rejtynhu bahaćcia, abahnaŭ Džefa Biezosa i staŭ druhim samym bahatym čałaviekam u śviecie», — piša ahienctva.
Błumbierh adznačaje, što Adani pačaŭ hod z 14 radka ŭ indeksie miljarderaŭ, ale pavialičyŭ svajo bahaćcie da 146,9 miljarda dalaraŭ i ciapier sastupaje tolki Iłanu Masku, čyje aktyvy aceńvajucca ŭ 260 miljardaŭ dalaraŭ.
Pa źviestkach ahienctva, akcyi fłahmanskaj kampanii Adani Adani Enterprises Ltd. vyraśli da rekordnaha ŭzroŭniu na hetym tydni, a akcyi niekatorych kampanij jaho hrupy vyraśli bolš čym na 1000% z 2020 hoda.
Błumberh piša, što Haŭtam Adani staŭ pieršym čałaviekam z Azii, jaki zmoh dajści da takich vysokich «ešałonaŭ bahaćcia», u jakich tradycyjna daminujuć amierykanskija technałahičnyja mahnaty.
Pad kantrolem kanhłamieratu, pabudavanaha Adani, znachodziacca najbujniejšy ŭ krainie apieratar marskich i pavietranych pieravozak, najbujniejšy pastaŭščyk hazu ŭ harady, a taksama najbujniejšaja kampanija pa zdabyčy vuhalu. Pa słovach Błumbierha, ciapier kanhłamierat imkniecca stać najbujniejšym u śviecie vytvorcam adnaŭlalnaj enierhii.
-
Byłoha prezidenta Balivii Eva Maralesa sprabujuć aryštavać za zhvałtavańnie 15-hadovaj aktyvistki. Jana naradziła ad jaho
-
Tramp daručyŭ pamočnikam arhanizavać telefonnuju razmovu z Pucinym paśla inaŭhuracyi
-
«U paniadziełak vam budzie vielmi viesieła hladzieć televizar». Tramp vystupiŭ pierad prychilnikami napiaredadni inaŭhuracyi
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii13
Kamientary
takaja raptoŭnaja azabočannaść adnaŭlalnaj enierhijaj niekalki, miakka kažučy, ździŭlaje paśla taho, jak pračytaješ doŭhi śpis jahonaha ščyravańnia na nivie nieadnaŭlalnaj...